Uppeldi og menntun - 01.01.2006, Síða 91

1
niЭUrstÖЭUr
Hér á eftir eru það ungmennin sem segja frá þeirri þýðingu sem myndsköpun hefur í
lífi þeirra. Jafnframt verður gerð grein fyrir því hvernig ungmennin geta mótað sjálfs-
mynd sína með lýsingu á eða frásögn af eigin myndverkum. Lýsingar ungmennanna á
hlutverki myndsköpunar í daglegu lífi þeirra voru flokkaðar þar til greinargóð mynd
fékkst og niðurstaðan er sex hugtakaflokkar eða þemu sem fjallað er um hér á eftir:
Að lær­a tung­umál (fr­umatr­iði og­ r­eg­lur­) mynd­lis­tar­innar­
Þeir hugtakaþættir sem nemendur nefndu oftast í viðtölunum voru það að ná tökum á
frumatriðum og meginreglum myndlistarinnar og listrænt sköpunarferli. Stór hluti af
þeirri innri ánægju sem sköpunarferlið veitir er kunnátta í tungumáli myndlistarinnar
og nemendur voru sammála um mikilvægi þess að ná tökum á þessu tjáningarformi.
Þekking á undirstöðuatriðum myndlistar gefur meðal annars færi á að nota eigin dóm-
greind og að leggja mat á verk sín.
Ef mér tekst ekki eins vel og ég ætlaði mér reyni ég bara aftur… þangað til ég
verð ánægð. Mér þykir skemmtilegast að reyna að ná árangri og ég hætti ekki
fyrr en það tekst … ég gæti þetta ekki án þess að læra myndlist (Lára).
Þessi kunnátta gerði þeim fært að túlka hugmyndir og/eða athuganir í mynd: „… það
kemur að gagni þegar ég vil túlka tilfinningar mínar í mynd“ (ísabella).
Fyrir marga nemendurna fólst ögrun í listlærdómi sem þeim líkar vel eins og fram
kom hjá auði: „… ég elska að nota kol þó að það sé tæknilega erfitt … ég vil takast á
við erfið verkefni“.
Mikilvægi þess að ná tökum á viðurkenndu myndmáli og undirstöðuatriðum mynd-
listarinnar kom skýrt fram:
Ég hugsa oftast um sjónræn áhrif, hvernig myndin kemur best út … myndbygg-
ingin og svoleiðis. Fyrst af öllu verður það að vera góð mynd … líka ef ég vildi setja
skilaboð … þá verður að vera sérstakur stíll … hreinn og beinn. Fagurfræði mín
tengist formrænum gæðum verksins (Lísa).
í orðum nemenda Myndlistaskólans kom skýrt í ljós áhugi á að læra myndlist og ná ár-
angri. Þeir töluðu líka um að listlærdómur hefði áhrif á gildismat þeirra og viðhorf:
Ég er opnari fyrir myndlist, veit meira um hönnun og hef skoðun á hvað mér
finnst fallegt eða ljótt. Maður lærir að móta skoðanir sínar … (Lísa).
Ég kann betur að meta aðra listamenn núna … ekki bara dæma þá sem geðveika
eins og mörg skólasystkini mín gera (Helga).
í hinum hópnum lýsti einn nemandi mikilvægi myndlistakennslu á þennan hátt:
„… myndlist er eina námsgreinin þar sem sköpunarkrafturinn fær að blómstra og
hver einstaklingur fær tækifæri til að vera öðruvísi og skapa einstakt verk“ (v­illi).
RÓSA K R I S T Í n J ú L Í US D ÓT T I R