Uppeldi og menntun - 01.01.2006, Blaðsíða 95


aðrir nemendur ræddu um nauðsyn þess að vera með öðrum sem hafa „þessa list-
rænu þörf“ líkt og þeir sjálfir: „… gaman að sjá hvað aðrir eru að gera, það auðgar
hugmyndaflæðið.“ í tali nemenda kom líka fram að áhugi annarra fjölskyldumeðlima
eða vina hefði áhrif á þýðingu myndlistar í daglegu lífi þeirra: „Ég hef þörf fyrir að
skapa … amma mín var góð að teikna og fleiri í fjölskyldunni líka. Frænka mín og ég
teiknum oft saman … við náum vel saman þannig“ (auður).
Nemendur grunnskólans töluðu um aðrar ástæður fyrir ágæti myndlistatíma. „Tæki-
færi til að skapa eða vera öðruvísi.“ Félagslegi þátturinn, þ.e. að vera með öðrum,
tengist því að hugmyndaflæði er meira þegar nemendur vinna saman:
… það er gaman að vera með öðrum sem gera það sama … þú færð fleiri hug-
myndir og svoleiðis (auður).
… það er betra að gera myndir í skólanum … maður fær fleiri hugmyndir. Ef ég
er einn fæ ég ekki margar hugmyndir. Mikilvægt að vera með öðrum sem eru að
gera það sama (Róbert).
Nói í Myndlistaskólanum sagði:
Umhverfið skiptir líka máli … mamma er til dæmis oft að mála og fer á námskeið
og það hefur áhrif á mig … ég hef gott samband við mömmu í gegnum listina …
ég á bara einn vin í listinni [ísabellu] og við tölum mikið um list … það er gott.
að samsama sig hópnum í svokölluðum micro culture eða smáeiningum getur verið
hjálplegt á tímum þegar ungmennin eru að staðsetja sig í samfélaginu og getur í aug-
um sumra „réttlætt“ myndlistanámið.
Ungmennin nefndu það öll að þeim þætti gott að tala um myndverk sín en þau
fengju sjaldan tækifæri til þess. Þau sögðu það auðvelda sér að skilja verkin: „ …
að rifja upp hvað maður gerði“. En það getur líka verið svolítið erfitt, eins og þessi
fimmtán ára piltur segir: „Það er gott að tala um myndirnar sínar en dálítið erfitt …
erfitt að lýsa því hvað maður hugsar og hvaða tilfinningar maður hefur“ (Róbert).
að tala um myndverkin er nokkuð sem nemendur hafa gaman af þó að vinirnir séu
ekki alltaf bestu áheyrendurnir líkt og þessar fullyrðingar sýna:
… það er gaman þó ég tali ekki mikið um þetta við vini mína … ég held ég hugsi
öðruvísi en þeir … þeir skilja mig ekki alveg (v­illi)
Mér finnst gott að tala um verkin mín … að vita að einhver hefur áhuga. Ég geri
það samt ekki oft. Mér finnst gaman að tala um myndlist … en vinir mínir hafa
ekki áhuga á myndlist svo ég tala ekki þannig við þá (Kristján).
í viðtölunum lýsa nemendur mikilvægi þess að vera með öðrum og deila listrænum
athöfnum sínum. Listrænn áhugi þeirra og gildismat er oft sprottið úr bakgrunni fjöl-
skyldunnar eða jafnvel Myndlistaskólanum sjálfum. Nær allir nemendur skýrðu þörf
sína fyrir að einhver hlusti og ánægjuna sem það veitir að tala um verkin en töldu
tækifærin til þess of fá.
RÓSA K R I S T Í n J ú L Í US D ÓT T I R