Uppeldi og menntun - 01.01.2006, Qupperneq 93

3
Myndsköpun gefur mér tækifæri til að segja frá á annan hátt … þú getur sagt frá
tilfinningum sem að þú veist kannski ekki að brjótast í þér. Gott að geta túlkað
tilfinningar á annan hátt því stundum er ekki hægt að segja frá þeim í orðum
(Nói).
Svör nemenda endurspegla þýðingu þess að skapa á þennan hátt:
…það er mikilvægast að kafa djúpt í tilfinningarnar [í myndsköpun](v­illi).
… að skapa er að tjá tilfinningar … að hafa frelsi til að túlka tilfinningar mínar
(Helga).
Ungmennin vilja sýna vísvitandi ákveðnar tilfinningar í verkum sínum og jafnframt
kjósa þau að búa til ákveðnar myndir eða velja sérstakt viðfangsefni sem endurspeglar
lífsviðhorf þeirra.
Mynd­ g­etur­ komið s­kilaboðum á fr­amfær­i
Listir eru samskiptamáti og nemendur í báðum skólum líta á myndverk sín sem miðil
til að koma hugmyndum, skoðunum eða athugunum á framfæri, og þá oft því sem
erfitt getur verið að setja í orð.
Mér leið vel að gera þessa mynd … mikill léttir að koma þessu frá sér. Það eru
skilaboð í þessari mynd; ekki dæma fólk án þess að þekkja það … stöðvum ein-
elti. Ég get sagt í mynd það sem ég er að hugsa (v­illi).
Nemendur sem líta á myndlist sem tjáskipti vilja segja eitthvað með myndunum sín-
um; þeir nota myndverk til að koma skilaboðum á framfæri. Sá skilningur kom fram
hjá ungmennunum að það kynni að vera auðveldara að segja hluti í mynd: „… stund-
um er erfitt að tala um hluti … gæti verið betra að teikna því þá getur fólk séð það“
(Nanna).
Ungmenni sem sögðust ekki setja fram skilaboð í verkum sínum eða nota verk sín til
samskipta á annan hátt sögðu að það væri líklega betra ef verk innihéldu slíkt en í skól-
anum gæfist lítið svigrúm þar sem þau ynnu ekki nægilega mikið í myndlist. Þeim
fannst eðlilegt að reyndir listamenn settu fram skilaboð í list sinni: „… þá er listin hluti
af lífi þínu og þú verður að gefa meira af sjálfum þér“ (Sandra).
Lýsingar nemendanna á tjáskiptum í myndverkum sýna að þeir eru meðvitaðir um
samskiptamöguleikana sem myndverkin veita þeim. Rétt um helmingur nemenda lét
í ljós ósk um að aðrir skildu verk þeirra og líkaði við þau, en mikilvægast var þó að
þeim sjálfum líkuðu myndirnar.
Að búa til mynd­ver­k/að s­kapa s­jálfs­mynd­
Listrænar athafnir nemenda geta haft áhrif á eða mótað líf þeirra á einn eða annan
máta. allir nemendur myndlistaskólans utan einn sögðu myndlist hafa mikil áhrif á
sjálfsmynd sína en einungis þrír nemendur úr hinum hópnum. að búa til myndverk
RÓSA K R I S T Í n J ú L Í US D ÓT T I R