Búnaðarrit - 01.01.1992, Blaðsíða 7
Sigurður J. Líndal,
bóndi, Lækjamóti
Hann fæddist á Akureyri 29. nóvember 1915. Foreldrar hans voru merkis-
hjónin Jónína Sigurðardóttir og Jakob H. Líndal, en Jakob gegndi þá starfi
framkvæmdastjóra Ræktunarfélags Norðurlands.
Ættir Sigurðar voru úr Víðidal og nærsveitum, en lágu úr héraði, m.a. til
Húsafells, þar sem amma hans, Margrét, var sonardóttir Jakobs sonar
Snorra prests.
Árið 1917 fluttust foreldrar hans að Lækjamóti og bjuggu þar til æviloka.
Sigurður naut skólavistar í Héraðsskólanum á Reykjum og útskrifaðist frá
Bændaskólanum á Hvanneyri vorið 1935, fór síðan til Noregs og dvaldist
þar um eins árs skeið í skóla, en kom heim skömmu eftir, að heimsstyrjöldin
brast á. Eftir það stóð hugur hans eindregið til búskapar, og tók hann við
búsforráðum að fullu á Lækjamóti eftir, að faðir hans féll frá árið 1951.
Sigurður Líndal var vitur maður og sanngjarn. Voru honum því falin
fjölmörg störf fyrir sveit sína og hérað. Hann var sýslunefndarmaður frá
1951 til 1988, er skipan þeirra mála var breytt, formaður Búnaðarsambands
Vestur-Húnavatnssýslu frá 1967 til 1982, sat Búnaðarþing árin 1967 til 1986
og var fulltrúi á Stéttarsambandsþingi bænda frá árinu 1960 til 1984. Pá var
hann endurskoðandi reikninga Búnaðarfélags íslands og Bændahallarinnar
frá 1975 til æviloka og annar endurskoðandi reikninga Framleiðsluráðs
landbúnaðarins frá 1978 til 1991. Hann var formaður jarðanefndar Vestur-
Húnavatnssýslu frá upphafi til skamms tíma og oft skipaður til arðskrár-
gerðar laxveiðiáa. Hreppsstjóri varð hann eftir lát föður síns og gegndi því
starfi uns Elín dóttir hans tók við. Enn eru þó hvergi nærri öll félagsstörf
hans upptalin.
Sigurður var gerður heiðursfélagi Búnaðarfélags íslands árið 1987, einnig
heiðursfélagi Hestamannafélagsins Þyts í Vestur-Húnavatnssýslu.
Áhugamál Sigurðar voru yfirgripsmikil, og sinnti hann þeim jöfnum
höndum. Þegar að kreppti í framleiðslumálum bænda, leitaði hann nýrra
úrræða, svo sem að koma upp saumastofu í Víðidal ásamt öðrum heima-
mönnum, og veitti hann því fyrirtæki forstöðu um árabil. Þá var hann
hvatamaður að stofnun samtaka hrossabænda og varaformaður þeirra í
allmörg ár. Hann var mikill stuðningsmaður byggingar Reiðhallarinnar, sat
5