Búnaðarrit - 01.01.1992, Blaðsíða 214

tjóni, sem grásleppunetin valda, er að færa þau fjær landi, sem oftast ætti að
skipta litlu varðandi árangur grásleppuveiðanna. Þá má minna á, að víða
háttar svo til, að sú umferð og skarkali, sem netaveiðunum fylgir, veldur
truflun og ónæði hjá æðarfuglinum, ekki hvað sízt, eftir að ungar koma á sjó
og eru háðir því að fá að vera í næði á grunnsævi.
Víða er æðarræktin orðin bændum það mikilvæg búgrein, að hér er um
réttlætismál að ræða. Nægt rými ætti að vera fyrir grásleppuveiðarnar, þótt
ekki sé farið svo nærri landi utan við friðlýst varplönd.
Hér er fyrst og fremst verið að gefa þeim hlunnindabændum, sem þess
óska, möguleika á aukinni friðun tímabundið og afmarkað. Þeir geta eftir
sem áður leyft veiðar í sinni landhelgi, telji þeir það skaðlaust fyrir
æðarfuglinn.
Mál nr. 39
Erindi Páls Ólafssonar, Árna Snæbjörnssonar og Eysteins G. Gíslasonar
um endurmat á fasteignamati hlunninda.
Málið afgreitt með eftirfarandi ályktun, sem samþykkt var með 18 sam-
hljóða atkvæðum:
Búnaðarþing óskar eftir því, að Fasteignamat ríkisins taki til endurskoð-
unar reglur um ákvörðun á fasteignamati hlunninda af œðarvarpi.
Þingið telur, að sá tími, sem miðað er við, þegar matið er ákveðið, sé of
skammur, þegar farið er eftir arði þriggja ára af æðarvarpinu. Sá tími þarf
að vera að Iágmarki fimm ár. Tekið verði tillit til þeirra miklu breytinga,
sem verða milli ára á arði af þessari búgrein, þegar matið er ákveðið.
Gefa þarf bændum kost á því að leggja fram að nýju athugasemdir og
upplýsingar, sem tekið verði tillit til við ákvörðun á mati hverrar jarðar.
Einnig þarf samtímis að leiðbeina um, hvaða kostnaðarliðir við varpið
verða teknir til greina við matið.
Búnaðarþing felur stjórn Búnaðarfélags íslands að fylgja þessu máli eftir
við Fasteignamat ríkisins.
Mál nr. 40
Erindi Páls Ólafssonar um breytingar á jarðalögum.
Afgreitt með máli nr. 19.
Mál nr. 41
Erindi Jóns Gíslasonar um Ríkisútvarpið.
Málið afgreitt með eftirfarandi ályktun, sem samþykkt var með 18 sam-
hljóða atkvæðum:
212