Búnaðarrit - 01.01.1992, Blaðsíða 76
mönnum á Kaldármelum 26.-27. júlí, og komu til dóms 27 hross. Á
Gaddstaðaflötum vorum við 22.-25. ágúst, og til dóms komu 44 hross.
Dagana 6.-7. júlí var okkur hjónum boðið að vera við vígslu nýs
reiðvallar, ásamt annarri aðstöðu fyrir hestaíþróttir, í Eyjadal í Ásbyrgi í
N.-Þingeyjarsýslu. Erþar fagurogsérkennilegurstaðuroghentugur að öllu
Ieyti, fast við alfaraleið. Var vel tekið á móti okkur, og verða þeir dagar
ógleymanlegir. Svo vill til, að ég var á stofnfundi Feykismanna 24. apríl
1975 að Lundi. Ég flutti ávarp og kveðjur Búnaðarfélagsins. Félagar (um
60) hestamannafélagsins Feykis hafa lyft Grettistaki, svo er framkvæmd öll
mikil og vel af hendi unnin og þeim til sóma. Kærar þakkir.
Stóðhestastöð. Um starfið þar verður fjallað í Hrossaræktinni. Ég kom í
yfirlitsferðir að Gunnarsholti 16 sinnum á árinu. Mælt var og vigtað 10/1,
dómar 1/5 og 30/4, sýning 4/5. Fylgdist ég af bestu getu með vinnubrögðum
viðfóðrun, hirðingu og tamningu unghestanna hjáþeim Rúnu Einarsdóttur
og Eiríki Guðmundssyni, og var þar allt að vanda til fyrirmyndar. Svo fór í
haust, að Rúna sagði upp störfum og fór utan. Þökkum við henni góð störf,
og a.m.k. er fóðrun og umgengni þeirra hjúa til sérstakrar fyrirmyndar.
Þórður Þorgeirsson, Reykvíkingur, búsettur á Hellu, hefur verið ráðinn
að stöðinni, og er hann boðinn velkominn.
Sá stóri atburður varð svo í árslok, að ný stöð var opnuð, fullbúið hesthús
með aðstöðuhúsi og hlaupagörðum, vel hannað og falleg smíð. Vantar nú
enn nokkuð, hlöðu, sem vonandi tekst að koma upp fljótlega, svo að
aðstaða verði óumdeilanlega til fyrirmyndar, en aðeins upp á slíkt getur
þjóðin boðið hestinum sínum.
Að vali á ungfolum í haust til Stóðhestastöðvar vann Kristinn Hugason í
fjarveru minni með viðkomandi fulltrúum úr heimahéruðum. Hér á
Suðurlandi voru starfsmenn stöðvarinnar í för með þeim. Tókst það starf
ágætlega, en 22 nýir hestar bættust við um áramót, stærsti hópur frá
upphafi, enda aukið húsrými aö hverfa að.
Á Suðurlandssýningu í Reiðhöllinni í Víðidal 5.-7. apríl var ég kynnir
kynbótahrossa, alls á fjórum sýningum. Var gerður góður rómur að
sýningunni í heild, en aðalkynnir var Júlíus Brjánsson.
Fundir. Auk fastra funda, sem ég hef áður getið, kom ég á þrjá fundi með
K.H. m.a. að kynna stigunarkvarðann svokallaða og á fimm almenna fundi
oftast með myndasýningarefni í farteskinu. Ég sat fundi með framkvæmda-
nefnd fjórðungsmóts á Gaddstaðaflötum og nokkra aðra nefndarfundi.
Eitt kvöld (22/4) var ég að leiðbeina hrossaræktarfólki í Holta- og
Landmannadeild um byggingarlag hrossa. Þá heimsótti ég, í nafni embætt-
isins, Kára Arnórsson, formann Landssambands hestamannafélaga, á 60
ára afmæli (4/7) og flutti honum þakkir okkar og kveðjur og hlaut veislu
góða.
74