Búnaðarrit - 01.01.1992, Blaðsíða 133
dag á tölvutæku formi til þess að gera slíkan heildstæðan gagnabanka;
aðeins þarf að ráðast í gerð eins samstæðs tölvukerfis. Óþarft er að taka
fram, hve mikla möguleika þetta byði upp á, m.a. til margvíslegra
fyrirspurna og til staðlaðar skýrslugerðar fyrir ákveðin svæði eða landið allt.
Upprunavottorð. Með tilkomu hins nýja skýrsluhalds og tölvukerfis í
hrossarækt hafa gagnamál hrossaræktarinnar verið endurskoðuð og sam-
ræmd. Einn liður þeirrar endurskoðunar er gerð nýs tölvuforrits, sem yrði
viðbótarforrit við Feng til útgáfu upprunavottorða. Það á að tryggja, að
allar upplýsingar, sem koma fram á upprunavottorði, kæmu úr gagnabanka
Fengs. Með tilkomu þess verður útgáfa upprunavottorða fyrir útflutt hross
mun traustari og auðveldari í framkvæmd. Eg vann að greiningu og hönnun
á þessu nýja kerfi í samráði við Hallveigu Fróðadóttur hjá Félagi hrossa-
bænda og Kristin Hugason, hrossaræktarráðunaut B.I. I upphafi nýs árs
mun ég hefja vinnu við forritun þessa nýja kerfis, en þaö hefur ekki hlotið
nafn ennþá.
Samráð og samstarf í tölvumálum.
Samráðsnefnd um tölvusamskipti B.I. og búnaðarsambanda. Þörf fyrir
tölvusamskipti milli B.í. og búnaðarsambanda er sífellt að aukast. Til þess
að skoða þessi mál var stofnuð samráðsnefnd á seinni hluta ársins, og hefur
einn fundur verið haldinn í nefndinni. Eitt af markmiðum nefndarinnar
verður að kanna, með hvaða hætti búnaðarsambönd geta fengið greiðari
aðgang að tölvukerfi B.í. og gagnaskrám fyrir skýrsluhald búgreinanna til
skoðunar og frekari úrvinnslu gagna.
Samstarfsnefnd bœndasamtakanna um tölvumál. Eg hafði frumkvæði að
því ásamt Kristjáni Guðlaugssyni, kerfisfræðingi hjá Framleiðsluráði land-
búnaðarins, að stofna faglega samráðsnefnd bændasamtakanna um tölvu-
mál. Stéttarsambandi bænda, Lífeyrissjóði bænda, Ferðaþjónustu bænda
og Upplýsingaþjónustu landbúnaðarins hefur verið boðið að tilnefna
fulltrúa sinn í nefndina. Meðal verkefna nefndarinnar er m.a. að samræma
og samnýta gögn um íslenskan landbúnað, afla og miðia upplýsingum um
tæknileg tölvumál og gera tillögur um stöðlun hugbúnaðar og vélbúnaðar.
Nefndin stóð fyrir kynningu fyrir starfsfólk bændasamtakanna á töflureikn-
inum Microsoft Excel í september. Fyrirlesarar voru Jón Ragnar Björnsson
hjá Framleiðsluráði og Óskar ísfeld Sigurðsson hjá Búnaðarfélaginu.
Önnur störf. Ég sat í undirbúningsnefnd Ráðunautafundar 1992, og gekk
nefndin frá dagskrá og öðrum formsatriðum fyrir áramót. Þá kynnti ég
skýrsluhald og tölvumál fyrir nokkrum hópum grunnskólanema, sem voru á
kynningu á vegum Upplýsingaþjónustu landbúnaðarins. Kynning á tölvu-
kerfi B.I. fyrir starfsfólk þess fór fram í byrjun desember, ogsáégum hana.
Ég kom á báða fundi hrossaræktarnefndar B.Í., þar sem ég kynnti Feng, hið
131