Búnaðarrit - 01.01.1992, Blaðsíða 144
Iandnýtingarmálum. Forráðamenn þjóðarinnar vitnuðu óspart til gróður-
verndarhugsjóna, en litlu hefur það skilað í hækkunum á fjárframlögum af
hálfu hins opinbera til þessa málaflokks. Almenningur hefur hins vegar
ekki látið sitja við orðin tóm, og einstaklingar, félög og fyrirtæki hafa sýnt
mikið örlæti, hvort heldur er í sjálfboðavinnu eða fjárframlögum.
Átaki í landgrœðslu lauk á árinu, þegar Árni Gestsson, formaður
Átaksins, afhenti Landgræðslunni 19 milljónir króna til uppgræðslu á
Haukadalsheiði. Alls hefur Átakið afhent 27 milljónir til landgræðslustarfa.
Ríótríóið hratt af stað söfnun til styrktar landgræðslu, er þeir nefndu
Landiðfýkur burt, samnefnt hljómplötu þeirra. Með aðstoð Lionshreyfing-
arinnar og Kaupþings var platan seld um allt land, og verður ágóðanum
varið til landgræðslu.
Budweiser-bjórumboðið afhenti 1,8 milljón til uppgræðslu í Þórsmörk.
Þar var síðan unnið með fjölda sjálfboðaliða við ýmis landgræðslustörf í
samvinnu við Skógrækt ríkisins, Ferðafélag Islands og Ungliðahreyfingu
Rauða Krossins. Landgræðslan tók ennfremur þátt í umhverfisverkefnum
Un^mennafélags Islands, svonefndum „fósturbörnum“.
Á árinu 1991 var ötullega unnið að framhaldi landgræðsluskóga átaksins,
sem Skógræktarfélag íslands, Skógrækt ríkisins, landbúnaðarráðuneyti og
Landgræðsla ríkisins stofnuðu til 1990 til að minnast 60 ára afmælis
Skógræktarfélags íslands.
Gróðurvernd. Unnið var ötullega að margvíslegum gróðurverndarverk-
efnum á árinu. Eins og oft áður voru haldnir fjölmargirfundir með bændum
og sveitarstjórnum um upprekstrarmál og gróðurvernd. Óskað var form-
lega eftir viðræðum við allar sveitarstjórnir á Suðurlandi um friðun verst
förnu afréttarsvæðanna. Á næstu árum verður lögð mikil áherzla á að ná
samkomulagi við bændur um friðun verst förnu afrétta landsins, sérstaklega
á Suður- og Suðvesturlandi og í Þingeyjarsýslum. Unnið hefur verið að
forgangsröðun þessara verkefna. Á flestum þeim afréttum, sem um ræðir,
gengur nú fátt fé, oft aðeins frá örfáum bæjum í hverri sveit. Það líða
væntanlega aðeins örfá ár, þar til nýting gróðurlítilla afrétta heyrir sögunni
til. Vel gróin afréttarlönd verður hins vegar hagkvæmt að nýta áfram
framvegis sem hingað til.
Það er vaxandi áhyggjuefni, hve hrossum fjölgar stöðugt, og sífellt fleiri
vandamál skjóta upp kollinum í sambandi við beit stóðhrossa og reiðhesta.
Hagsmunaaðilar innan hrossaræktarinnar og reiðhrossaeigendur verða að
taka höndum saman við Landgræðsluna og afstýra frekari gróðurskemmd-
um af völdum hrossa.
Gott samstarf hefur verið við Búnaðarsamband Skagfirðinga undir
forystu Egils Bjarnasonar um skipulag hrossabeitar, og hefur verið rætt
bæði við sveitarstjórnir og allmarga bændur. Markmiðið er að koma
beitarmálum í heimalöndum í viðunandi horf á sem allra stytztum tíma og
142