Búnaðarrit - 01.01.1992, Page 47
stöðvanna, bæði á plöntum og húsum, en aðrar sluppu betur. Afleiöingin
varð sú, að verulegur hluti smáplantnanna drapst, þannig að uppskeran
kom mun seinna en í meðallagi.
Að ósk Sambands garðyrkjubænda mátum við Magnús Ágústsson það
tjón, sem óveðrið olli á garðyrkjustöðvunum. Var hér um mjög viðamikið
og tímafrekt verk að ræða, og heimsóttum við m.a. allargarðyrkjustöðvar á
Suður- og Vesturlandi. Samkvæmt mati okkar var heildartjónið um 70
milljónir króna, þar af var ræktunartjónið um 32 milljónir, glertjónið um 1<S
milljónir og annað tjón um 18 milljónir. Af ræktunartjóninu nam tjón á
blómum um 15 milljónum, á tómötum um 8 milljónum, á gúrkum um 6
milljónum og á papriku um 3 milljónum.
Sumarveðrið olli líka nokkrum erfiðleikum við ræktun tómata. Eins og
áður var getið, var vorið mjög dimmviðrasamt, en í júní létti skyndilega til
og hélst glampandi sól í margar vikur, nánast allan sólarhringinn. í byrjun
júní voru plönturnar því víðast hvar mjög hlaðnar aldinum, þannig að
uppskeran var góð framan af „sólartímabilinu", en síðan dró verulega úr
uppskerunni, og kyrkingur kom í vöxt plantnanna. Blöðin urðu óeðlilega
þykk og stutt og verptust saman, sem bendir til þess, að sykrur hafi safnast
fyrir í þeim, þ.e. framleiðsla Ijóstillífunarinnar var í þessari miklu birtu
meiri en plönturnar gátu nýtt sér.
Framleiðslan á tómötum og gúrkum varð því minni en oft áöur, og var
hún yfirleitt í allgóðu samræmi við eftirspurnina, þannig að verðlækkanir
voru minni en undanfarin ár. Afkoman í papriku varð hins vegar mun
lakari. Meginástæðan var sú, að ekki tókst að anna eftirspurn eftir öllum
litum stóran hluta sumarsins, þannig að flytja þurfti inn viðkomandi liti. og
réð þá innflutningurinn verði á öðrum litum.
Fað er mér og fleirum áhyggjuefni, hvernig sölumál grænmetis hafa
þróast. Á árinu 1991 bættist við enn eitt heildsölufyrirtækið í dreifingu á
grænmeti. í dag eru því 5 heildsölufyrirtæki í dreifingunni auk þeirra
verslana, sem kaupa meira eða minna beint af framleiðendum. Þar sem
íslenski markaðurinn er mjög lítill, er hann ekki til skiptanna fyrir 5
dreifingarfyrirtæki, og veldur það óeðlilega háum dreifingarkostnaði, sem
hefur bitnað mjög illa á framleiðendum.
Ýmsar blikur voru á lofti á árinu varðandi aukna samkeppni erlendis frá.
Umtalsverður tími fór í ýmiss konar gagnaöflun varðandi EES viðræðurn-
ar, og tókst þar á síðustu stundu að afstýra stórslysi fyrir íslenska garðyrkju.
Ennfremur hefur talsverður tími farið í athuganir á stöðu garðyrkjunnar og
samkeppnisaðstöðu hennar gagnvart innflutningi.
Nokkuð var um erindi og fræðslufundi á árinu. Þann 15.3. flutti ég erindi
um ræktun Skota í perlusteini á kynningarfundi með garðyrkjubændum um
niðurstöður vikurtilrauna á Garðyrkjuskólanum. Þann 9.4 var ég með
erindi um lífrænar varnir á Eiturefnanámskeiði. Þann 3.9. var ég með
45