Búnaðarrit - 01.01.1992, Blaðsíða 108
nokkur loftræstikerfi í gripahús. Einnig voru gerðar nokkrar deiliteikningar
af frágangi veggja og þaks í gripahúsum.
Byggingarnefnd tilraunafjárhúsa að Hesti í Borgarfirði (form. Stefán
Sch. Thorsteinsson) leitaði til BBÍ um hönnun fjárhúsa fyrir u.þ.b. 700-800
fjár við núverandi hlöðu á staðnum. Það verkefni er komið nokkuð af stað
hjá okkur, og hef ég setið þrjá fundi með byggingarnefndinni. Eg hef einnig
fylgst með byggingaframkvæmdum við Stóðhestastöðina í Gunnarsholti og
veitt ráð um ýmsan frágang í hesthúsinu, en það var formlega tekið í notkun
hinn 28. des. sl., þótt ýmsum frágangi innanhúss væri enn ólokið.
Ég starfaði í Landhreinsunarnefnd umhverfisráðuneytisins. Sú nefnd
hélt nokkra fundi á árinu og fór í vettvangsferð um hluta Borgarfjarðar- og
Mýrasýslu, Snæfellsnes og Dali og hluta Árnessýslu.
Einnig var ég prófdómari í tæknifögum við Búvísindadeildina á Hvann-
eyri.
Ferðalög innanlands. Við Sigurður höfum reynt að heimsækja flesta
bændur, sem beðið hafa um teikningar hjá okkur. í mörgum tilfellum
höfum við skipulagt slíkar ferðir í samráði við ráðunauta búnaðarsamband-
anna. Þessar heimsóknir eru sérstaklega nauðsynlegar, þegar um viðbygg-
ingar er að ræða, til þess að hægt sé að mæla nákvæmlega upp núverandi hús
og átta sig á aðstæðum á byggingarstað. Alls heimsótti ég 112 bændur á
árinu. Heilir ferðadagar innanlands urðu alls 34 og hálfsdagsferðir átta.
Auk þess sat ég tveggja daga ráðstefnu tækniskorar NJF um rúllubagga að
Hótel Örk í Hveragerði, dagana 24. og 25. október.
Hinn 12. febrúar sat ég fund formanna búnaðarfélaga á Suðurlandi í
Félagsheimilinu að Tunguseli í Skaftárhreppi. Kynnti ég þar þá þjónustu,
sem bændum stendur tii boða hjá BBÍ.
Hinn 19. apríl sat ég ráðstefnu um bleikjueldi á Hvanneyri og flutti þar
erindi um tæknibúnað við fiskeldi.
Hinn 5. júní fór ég ásamt Óskari ísfeld og Haraldi Árnasyni norður að
Hólum, þar sem við Iitum á aðstöðu til að koma upp tilraunastöð fyrir
bleikjueldi.
Önnur ferðalög voru öll tengd verkbeiðnum, sem borist höfðu til
Byggingaþjónustunnar. Farið var um eftirtalin svæði: Árnessýslu, Rangár-
vallasýslu, V.-Skaftafellssýslu, A.-Skaftafellssýslu, Borgarfjarðar- og
Mýrasýslu, V.-Húnavatnssýslu, A.-Húnavatnssýslu, Skagafjarðarsýslu og
Eyjafjarðarsýslu.
Ferðalög erlendis. Danmerkurferð 21.-27. janúar. Þessa ferð fór ég í hópi
106