Búnaðarrit - 01.01.1992, Blaðsíða 44
ýmsum stöðum og gerð margs konar Iítilla muna. Þetta hefur tekið drjúgan
tíma og verið kannað í góðu samráði við Samtök selabænda. I leiðbeining-
um um verkun skinna og í viðræðum við selabændur finn ég, að byrjað er að
koma fram það, sem ýmsir óttuðust, að langvarandi stöðvun hefur leitt til
þess, að dregið hefur úr verkkunnáttu í greininni, en ennþá ætti að vera
auðvelt að bæta úr því.
Hringormanefnd greiddi á árinu fyrir veidda seli eins og undanfarin ár, en
eingöngu þó fyrir útsel. Þá veitti nefndin fjárhagstuðning við verkefni
Eggerts Jóhannssonar, feldskera, og var það gert í góðri samvinnu við
Samtök selabænda.
Um málefni greinarinnar hef ég átt mikilvægt og gott samstarf við stjórn
Samtaka selabænda, og flutti ég skýrslu um störfin á árinu á aðalfundi þeirra
sl. haust.
Reki. Þótt sífellt sé reynt að finna leiðir til að bæta nýtingu á þeim reka,
sem til fellur, hefur fremur lítið miðað. Þó hefur sú nýbreytni dálítið komist
af stað, að menn, sem hafa til þess tæki og búnað, taka rekafjörur á leigu og
borga landeiganda gjald fyrir timbrið á staðnum. Þeir vinna svo efnið á
staðnum og færa sig þá milli staða eða draga að sér efni frá nærliggjandi
fjörum.
Þá eru frumkannanir í gangi hjá vissum aðilum á að reisa stórvirka
sögunarstöð norðanlands. Mál þetta er þó mjög stutt á veg komið, enda enn
óljóst, hvort slíkur rekstur standi undir sér. Hins vegar fjölgar þeim
eitthvað, sem reyna að nýta það, sem til fellur hjá þeim sjálfum.
í samráði við nokkra rekabændur og með innflutningsverð á timbri í huga
var sk. viömiðunarverð (1991) á girðingarstaurum úr rekavið ákveðið kr.
160 á hvern 180 cm staur. Þá er miðað við, að staurinn sé heima hjá bónda
og án vsk. Talsvert er um, að spurst sé fyrir um þessa verðviðmiðun.
Silungsverkefni. Eins og greint er frá í síðustu starfsskýrslu, hef ég starfað
í sk. samstarfsnefnd um silungsveiði, sem hefur það markmið að efla
stangveiði í silungsvötnum. Nefndin hélt alls sex fundi á árinu, og ásamt
formanni nefndarinnar fór ég í þrjár ferðir út á land til að leiðbeina um
framkvæmdir og aðgerðir og líka til að skoða aðstæður. Af þeim fjórum
vötnum, sem upphaflega var áætlað, að framkvæmdir hæfust við, eru
aðgerðir hafnar við tvö. Þar hefur náðst góð samstaða með landeigendum
um aðgerðir og fyrirkomulag. Það verður verkefni næsta árs að halda áfram
bæði þar, sem framkvæmdir eru hafnar, og við að koma einum eða tveimur
nýjum aðilum af stað. Starf nefndarinnar og aðgerðir bænda hafa notið
framlaga úr Framleiðnisjóði.
Annað. Eftir að Útvarpsráð lagði niður hefðbundinn búnaðarþátt í
ríkisútvarpinu, aðstoðaði ég einn fréttamann þess við útvegun á efni unt
landbúnað í þætti almenns eðlis. A vordögum hætti viðkomandi fréttamað-
ur störfum, og þar með var ekki leitað frekar til mín.