Búnaðarrit - 01.01.1992, Blaðsíða 143
Við þéttbýlið í Reykjahlíð í Skútustaðahreppi var lokið við að girða af og
friða umhverfi þorpsins. Þetta er 15 km rafgirðing auk umsaminna beitar-
hólfa.
Á árinu var girt og friðað allstórt illa farið svæði í Helgafellssveit á
Snæfellsnesi. Verkinu var hrundið af stað fyrir frumkvæði Gróðurverndar-
nefndar Snæfellsnessýslu. Girðingin er alls um 11 km rafgirðing. Stykkis-
hólmsbær, Vegagerðin, Landvernd, héraðsnefnd o.fl. aðilar tóku þátt í
kostnaði girðingarinnar. Þarna hefur verið töluverð landeyðing, en nú gefst
sjálfboðaliðum þar kærkomið tækifæri til landgræðslustarfa.
Landbúnaðarráðuneytið og Landgræðslan sömdu við bændur í Fjalla- og
Öxarfjarðarhreppum um friðun Hólsfjallasvæðisins. Girðingarfram-
kvæmdir voru hafnar á árinu, en alls þarf að setja upp meira en 20 km langar
rafgirðingar til að taka að mestu fyrir rennsli fjár inn á svæðið. í þess stað
verður unnt að taka upp nokkrar landgræðslugirðingar, sem eru á því svæði,
sem friðast. Hólsfjöllin verða án efa eitt megináherzlusvæði Landgræðsl-
unnar á næstu árum. Unnið verður markvisst að heftingu eyðingar.
Fræöflun. Vorið 1991 var sáð beringspunti, lúpínu, íslenzkum túnvingli
og snarrót til frætöku. Það áraði afar vel fyrir myndun fræs hjá landgræðslu-
plöntum. Hins vegar var uppskerutíðin einmuna vætusöm og erfið. Alls
söfnuðust um 3000 kg af hreinsuðu lúpínufræi, sem er það mesta, sem
safnazt hefur til þessa. Alls söfnuðust um 17 tonn af hreinu beringspunts-
fræi. Nokkurt magn af fræi tapaðist sökum þess, hvað rigningar töfðu
uppskeruna og einnig, hversu takmarkaðan vélakost við höfðum til starfa.
Við leigðum þreskivél hjá Ólafi Eggertssyni á Þorvaldseyri og kornræktar-
bændum í héraðinu eins og á undanförnum árum. Dálítið magn safnaðist af
mjög góðu túnvinguls- og vallarsveifgrasfræi.
Fyrir tveimur árum samdi Landgræðslan við bændur á Jökuldal efri um
leigu á snarrótartúnum til fræframleiðslu, og fengust þar um 7 tonn af mjög
góðu snarrótarfræi. Um 3 tonn til viðbótar söfnuðust í Gunnarsholti.
Melskurður hófst um 20. ágúst hér á Suðurlandi, og var fræið yfirleitt vel
þroskað. Handskorið var talsvert magn í Meðallandi, Álftaveri og smávegis
í Vestmannaeyjum. Melskurðarvélarnar voru að störfum í Meðallandi,
Álftaveri og á Mýrdalssandi, í Landeyjum og Þorlákshöfn. í fyrsta sinn var
vélskorið melfræ í landgræðslugirðingunni í Hjaltastaðarþinghá. Þar fékkst
sérstaklega vel þroskað og gott fræ, og stefnt er að því að hafa sláttuvél
staðsetta hjá bændum þar á næstu árum. Óvenjulítið melfræ fékkst í
Þingeyjarsýslum. Stórauka verður enn öflun melfræs, ef takast á að ná
settum markmiðum um stöðvun jarðvegs- og gróðureyðingar fyrir aldamót.
Flutt var út til Alaska 5,5 tonn af úrvals beringspuntsfræi, og var þetta í
fyrsta sinn, sem flutt hefur verið út mikið magn af fræi.
Þáttur almennings. Landgræðslumál voru að venju mikið í brennidepli í
fjölmiðlum. í umfjöllun gætti niinni fordóma á báða bóga en oft áður í
141