Búnaðarrit - 01.01.1992, Blaðsíða 183
bændaskólarnir hugi enn frekar að sérhæfingu búnaðarfræðslunnar og
verkaskiptingu sín á milli.
Búnaðarþing telur eðlilegt, að við uppbyggingu íslenzks landbúnaðar og
lánveitingar Stofnlánadeildar landbúnaðarins til hans sé tekið tillit til
fagþekkingar lántakenda í þeirri grein, sem lán er veitt til. Bent skal á í því
sambandi, hvort rétt væri að skilyrða, að menn hafi lokið ákveðnum
námskeiðum og jafnvel einhverju fagnámi og/eða hefðu að baki ákveðna
starfsreynslu, einkum þegar um er að ræða nýjar búgreinar, sem lítil
þekking er á í landinu.
Mál nr. 6
Erindi Önnubellu Harðardóttur og Ágústu Þorkelsdóttur um atvinnuráðgjöf
á vegum leiðbeiningaþjónustu landbúnaðarins.
Málið afgreitt með eftirfarandi ályktun, sem samþykkt var með 23 sam-
hljóða atkvæðum:
Búnaðarþing leggur áherzlu á, að hið fyrsta verði tryggt, að ný atvinnu-
starfsemi í sveitum eigi kost á leiðbeiningum og annarri þjónustu, hliðstætt
því, sem nú á sér stað um hefðbundnar búgreinar.
Þingið felur stjórn Búnaðarfélags íslands að athuga í samvinnu við
búnaðarsamböndin, hvernig þessum leiðbeiningum og þjónustu verði bezt
fyrir komið.
Ennfremur hvernig kostnaður við þessa starfsemi verði greiddur.
Mál nr. 7
Erindi Önnubellu Harðardóttur og Ágústu Þorkelsdóttur um auknaþátttöku
kvenna í ábyrðgarstöðum innan félagskerfis landbúnaðarins.
Félagsmálanefnd bar fram eftirfarandi ályktun í máiinu, sem lögð var
fyrir þingið:
Búnaðarþing minnir á fyrri samþykktir sínar um aukna þátttöku kvenna í
stjórnum og störfum búnaðarfélagsskaparins. Þingið beinir því til félags-
samtaka kvenna, að þær vinni markvisst að því að efla áhuga kvenna á
þátttöku í hinum ýmsu félögum á sviði landbúnaðar. Þá beinir þingið því til
stjórnar Búnaðarfélags íslands og Stéttarsambands bænda, að þau athugi,
hvort heppilegt sé og viðurkvæmilegt að setja tímamörk á setu fulltrúa í
hinum ýmsu stjórnum og ráðuni innan landbúnaðarkerfisins.
Við afgreiðslu málsins óskaði Jón Ólafsson þess, að ályktun nefndarinnar
yrði borin upp í tvennu lagi, og varð forseti við því. Var fyrri liður
ályktunarinnar, þ.e. fyrstu tvær setningarnar, samþykktur með 20 sam-
hljóða atkvæðum.
Síðari liður ályktunarinnar var samþykktur að viðhöfðu nafnakalli með
11 atkvæðum gegn fimm.
181