Andvari - 01.01.2009, Blaðsíða 190

188
KRISTMUNDUR BJARNASON
ANDVARI
Ávarpið rituðu þær konur, sem sátu fyrsta fundinn heima hjá henni, svo og
Páll Melsteð og Thomsen kaupmaður. Hér verður efni Ávarpsins ekki rakið
til hlítar. Gert var ráð fyrir þriggja ára skólavist, níu mánuði á ári; verklegu
og bóklegu námi. Kennsla var ókeypis. Skólinn varð ekki stofnaður með færri
en 10 stúlkum. Ritari var Páll Melsteð, en gjaldkeri Thomsen kaupmaður.
Undirtektir reyndust daufar. Bændum leizt ekki á blikuna. Þeir, sem létu í sér
heyra, sögðu sem svo: „Nú, við höfum komizt af hingað til án þess að hafa
kvennaskóla“ og töldu að enn skyldi sitja við sama. Einkum leizt mörgum
nefndarbændum illa á að koma kvennaskólanum upp í Reykjavík, þar yrði
hann aldrei nema dansk-franskur óburður.
Þóra heklaði gólfábreiðu af listfengi og gaf til hlutaveltu. Fyrir hana fengust
nær tvö hundruð krónur í skólasjóð.67
Nú reyndi á söfnun erlendis. Er ekki að orðlengja það, að 9/10 hlut-
ar söfnunarfjárins komu frá Dönum. „Konungur og drottning, krónprins
og krónprinsessa“ gáfu höfðinglega. Skólasjóðurinn gildnaði stórum árið