Tímarit Máls og menningar - 01.01.1988, Side 12

Tímarit Máls og menningar
„fannst látinn á hótelherbergi“
segir blaðið
og þá sem fara einir út
án fylgdar
Já fór og skildi ekkert eftir
nema haldbesta kunnugleikann:
breiðstrætin og vetrargjóluna
gosbrunninn steinþegjandi
og einhverja tístandi fugla í trjánum
tístandi skrækjandi fugla í trjánum
fór og var farinn
og ekkert eftir
nema sólin að koma upp
eins og endranær
á gangstéttinni við Café de la Lune
Tunglkaffihúsið
og ávaxtasalinn að koma upp sölugrindunum
og dætur næturinnar fölna ekki á gangstéttinni
og stúlka frá Valencia býður sig léttklædd fram
og ávaxtasalinn býður fram fjörefnaríkar appelsínur
frá heimaborg hennar
og tunglið ekki lengur á himni
og appelsínan allsráðandi á himni
og jörð og gangstéttinni
við Tunglkaffihúsið
. . . og hann farinn og skildi ekkert eftir
farinn og skildi ekkert eftir
ekkert eftir
nema allt
2