Húnavaka - 01.05.1972, Qupperneq 24

22
HÚNAVAKA
Óskari Guðmundssyni verði, en 81. janúar 1971 drap ég annan.
Þetta eru fyrstu minkarnir, sem vitað er til að komið hafi á Hvera-
velli.
Þreyttust þið ekki hvort á öðru að vera alltaf án samskipta við
annað fólk.
Ekki dettur mér í hug að reyna að telja þér eða öðrum trú um að
okkur hafi aldrei orðið sundurorða, segir Kristján, enda gerist það
svo víða. Eg held því alltaf fram að slíkt sé bara til að skerpa kær-
leikann. En eigir Jui við hvernig sambúðin hafi verið, annars vegar
þar efra og hins vegar hér, er aðeins hægt að segja: Hún er alveg
eins.
Nú þegar þið eruð komin til byggða. Langar ykkur aldrei upp-
eftir?
Jú, svara þau bæði samtímis, og Kristján heldur áfram: Okkur
líður vel hér í bænum. Hér eru kunningjar okkar og vinir. Við
eigum ágæta íbúð og nýjan bíl. En — ég get ekki skýrt hvers vegna
okkur langar bæði upp á Hveravelli aftur. Upphaflega ætluðum við
aðeins að vera þar eitt ár, en þau urðu fimm. Hefði ég ekki fengið
blæðandi magasár í fyrra, værum við þar enn. Að læknisráði urðum
við að hverfa Jraðan. Þar geta þeir einir dvalið, sem fulla heilsu hafa.
Ef heilsa og aðstæður leyfa, ætlum við hjónin aftur til dvalar á
Hveravelli.