Skírnir - 01.04.1991, Blaðsíða 183
SKÍRNIR HINN HÆTTULEGI VIÐTENGINGARHÁTTUR
177
„vellíðunar og hamingjubissnes“. Hann er ekki annað en auglýsinga-
glansmynd.
Þessi formáli er þegar orðinn alltof langur. Enn er eftir að upplýsa
hvert vandamálið raunverulega er, sem liggur að baki kvíðanum,
vonleysinu, ógleðinni, tómleikanum, kraftleysinu, verkkvíðanum,
doðanum, auk annars sem óþarft er að fjölyrða um frekar.
Fyrst er nauðsynlegt að gera grein fyrir forsendunum, sem gengið
verður út frá. Meginatriðið er að viðurkenna vandamál einstaklingsins
í ljósi hans eigin viðmiðana. Einnig að líta á það sem algjörlega
einstaklingsbundið, og ekki af neinni rót annarri. Því næst reyna að
beina sjónum hans að gaumgæfilegri athugun lífs síns. Að fá hann til
að skoða sjálfan sig sem eyland eða einangrað konungsríki, og hjálpa
honum að greina orsök vanmáttar síns út frá því sjónarhorni. Horft er
framhjá félagslegum og sálfræðilegum þáttum.
Nú er viðbúið að einhver hristi höfuðið og segist standa klár á einu:
„Vanlíðan manns getur átt sér ýmsar orsakir og stafað af margvís-
legum toga, þar á meðal örugglega bæði félagslegum og sálfræði-
legum.“
Ut í slíkar deilur verður ekki farið hér. Aftur á móti verður haldið
fram áður óþekktum toga þ.e. málfrœðilegum.
En hvað er átt við með þessu, að segja orsökina vera málfræðilega?
Þá er fyrst til að taka, sem varla fer á milli mála, að við notum tungu-
málið til þess að tjá okkur. En málið á sér langa sögu. I aldanna rás
hefur það þróast og tekið hægfara breytingum frá einni kynslóð til
annarrar. Við notkun þess hefur myndast ákveðin hefð sem við göng-
um inn í, tökum við og verðum að fylgja. Á síðari tímum hafa menn
byrjað að skilgreina hana og afmarka reglur hennar og nefnt mál-
fræði. Málfræðin er þ.a.l. greining á því sem kalla mí form málsins.
Og því er hægt að líkja við burðargrind í húsi sem orðin, er við
veljum að nota, hlaðast á, þ.e. efnið, hið sýnilega útlit hússins. Inni í
því býr einstaklingurinn og ákveður innihald þess og merkingu.
Hann tekst hér á við gæði tjáningar sinnar. Að búa sér heimili sem er
mátulegt í alla staði, í húsi sem honum finnst hann eiga heima í og þar
sem honum líður vel.
Næst verður eftirfarandi kenningu haldið fram: Málfræðin (þ.e.
form málsins) stjórnar ekki aðeins því sem snýr útávið, mæltu máli og