Ritröð Guðfræðistofnunar - 01.01.2005, Qupperneq 9

Inngangsorð
Hér birtist 20. hefti Ritraðar Guðfræðistofnunar almanna sjónum. Fyrsta
heftið kom út árið 1988. Síðan hafa hin nítján raðast mismunandi á árin.
Sum heftin hafa verið helguð ákveðnum tilefnum. Til dæmis verið afmæl-
isrit einstakra guðfræðikennara eða tengst nafni þeirra með öðrum hætti.
Rætt hefur verið um það í ritnefnd að draga úr eða hætta slíkum tileinkun-
um og færa ritröðina þar með alfarið í form tímarits. Þá hafa einstök hefti
borið sérstakan undirtitil og verið helguð sérstöku þema. Þótt dregið verði
úr notkun undirtitla, sem slævir nokkuð tilfinningu manna fyrir ritröðinni
sem tímariti, getur umfjöllun um ákveðin þemu þó áfram komið fyrir og náð
annað tveggja til heils heftis eða hluta af hefti. Þetta á t.a.m. við þegar birt-
ar eru greinar sem byggja að meira að minna leyti á fyrirlestrum frá ráð-
stefnum.
Frá og með þessu hefti verður nokkur breyting á ritnefnd Ritraðarinnar.
Einar Sigurbjömsson prófessor, sem setið hefur í ritnefndinni um árabil og
ritstýrt hefur síðustu fjórum heftum lætur nú af störfum. Eru honum þökk-
uð einkar vel unnin störf í þágu Ritraðarinnar. I hans stað kemur nú Jón Ma.
Ásgeirsson prófessor inn í ritnefndina og Hjalti Hugason prófessor tekur við
ritstjórn hennar.
Ritnefndin hefur sett sér nokkrar einfaldar vinnureglur. Þær verður hér
eftir að finna innan á fremri kápusíðu hvers heftis. I raun em þær að mestu
lýsing á útgáfuferlinu eins og það hefur verið síðustu ár en festa aukin í
nokkrum atriðum. Er þetta gert til að efni ritraðarinnar verði samræmdara
að formsatriðum til en stundum hefur verið fram að þessu. Þess skal þó get-
ið að reglunum verður ekki að fullu fram fylgt fyrr en frá og með næsta
hefti. Á þetta til dæmis við um frágang tilvísana og skráa. Reglunum eru
ætluð tvö hlutverk önnur: Að minna á að Ritröðin kostar kapps um að vera
fræðilegt tímarit í fremstu röð; og einnig að minna á að hún stendur fleirum
en kennurum guðfræðideildar einum opin og er þá til leiðbeiningar um frá-
7