Ritröð Guðfræðistofnunar - 01.01.2005, Síða 54

viti þess í fyllingu tímans. Leiðtogar félagsins fylgdust vel með þroska drengs-
ins og tóku að ráða í það hvemig og hvenær Kristur mundi opinberast í hon-
um. Hann hafði greinilega persónutöfra og látlaus og fáguð framkoma hans
heillaði fólk. Margir sögðu frá sterkum andlegum áhrifum í návist hans og
sumir upplifðu tákn og kraftaverk. Fólk sagði frá persónulegri reynslu, sem
það varð fyrir í návist hans sem svipar til lýsinga á frelsun og trúarlegu aftur-
hvarfí. Hugur þess hreinsaðist af illum hugsunum og hvötum og það eignaðist
nýja, kærleiksríka og bjarta lífssýn. I augum margra bar siðferði hans vitni um
mannlega fullkomnun og framkoma hans einkenndist af auðmýkt og kærleika
til annarra. Flestir vom sammála um, að það væri eitthvað heilagt í fasi hans
og framkomu, enda höguðu ráðgjafar hans og leiðbeinendur allri umgjörð um
hann og starf hans á þann veg að hún væri sæmandi birtingu guðdómsins.
Sérstök mót og ráðstefnur voru haldnar þar sem guðspekisinnar komu
saman til íhugana og fræðslu. Þegar Krishnamurti fékk aldur og þroska til
tók hann virkan þátt í þessum samkomum og flutti ávörp og fyrirlestra, sem
yfirleitt voru ljóðrænar íhuganir og óræðir spádómar sem túlka mátti sem
guðlegan boðskap.29 Félagið eignaðist herragarð í Ommen í Hollandi og þar
varð miðstöð þess í Evrópu. Þar voru haldin árleg mót, eða tjaldbúðasam-
komur, og sóttu þangað þúsundir manna hvaðanæva úr heiminum.
Aðalbjörg heillaðist af hugmyndunum um komu mannkynsfræðarans og
hún sannfærðist um messíasarhlutverk Krishnamurtis - að hann væri sá sem
Annie Besant hafði vonast til að hann yrði, alheimsfræðarinn. Hún skrifar í
grein árið 1929:
Ég töfraðist af yndisleik hans og kærleiksmagni, lífið fylltist nýjum unaði,
varð að undurfögru ævintýri, jörðin að Paradís, þar sem allt lifandi lék sam-
an í friði og eindrægni.30
Aðalbjörg var óþreytandi við að kynna málstað félagsins og drífandi kraft-
ur á bak við útgáfustarfsemina. Ræður og ritgerðir Krishnamurtis voru
þýddar og gefnar út og um nokkurra ára skeið var Jólablað Stjörnunnar í
Austri gefið út. Þar birtust ýmsar greinar um mannkynsfræðarann, hlutverk
hans og starfsemi og víða leitað fanga í trúarbrögðum og dulrænum fræð-
um við útlistun þess. Aðalbjörg sótti reglulega alþjóðlegar samkomur og
ráðstefnur á vegum Stjörnunnar í Austri og oftast var einhver lítill hópur
með henni frá Islandi. Hún var á ráðstefnunni í Ommen sumarið 1927 og
29 Aðalbjörg Sigurðardóttir 1928: 45.
30 Aðalbjörg Sigurðardóttir 1929:113.
52