Ritröð Guðfræðistofnunar - 01.01.2005, Síða 131

Dansk kommentar till Davids Salmer /-///. Redigeret af Else K. Holt
og Kirsten Nielsen. K0benhavn: Forlaget ANIS, 2002.
Það þriggja binda verk sem hér um ræðir er eitt nýjasta skýringaritið við
Saltarann. Ég hafði oft gagn af því í kennslu minni á ritskýringarnámskeiði
um Davíðssálma á vormisseri 2004 og benti nemendum á að nýta sér það í
ritgerðarvinnu í sama námskeiði, sem þeir og gerðu.
Það er ánægjulegt að sjá tvær konur ritstýra verki sem þessu. Það er til
marks um sívaxandi hlutdeild kvenna í biblfufræðunum. Jafnframt er það
tímanna tákn að það eru tíu höfundar sem skrifa þetta verk. Það er varla á
færi nokkurs eins manns lengur að hafa yfirsýn yfir öll þau ógrynni sem
skrifuð eru á þessu fræðasviði.
Sjálfur hef ég um árbil unnið að riti um Saltarann og á stundum hef ég
fyllst örvæntingu yfir því sívaxandi magni af bókum sem stöðugt koma út
um Davíðssálma sem og önnur rit Biblíunnar.
Þetta danska verk er allrar athygli vert og sumt nýstárlegt í því. Einkum
gleður það mig að sjá að áhrifasagan („framhaldslíf textanna") fær talsvert
vægi í því. Ahrifasagan er raunar takmörkuð við áhrif Davíðssálma í dönsku
samhengi, einkum dönsku kirkjulífi.
Sjálfur hef ég talað fyrir því í rúman áratug að áhrifasögunni sé sinnt í
ritskýringu en þar hefur henni lengst af algjörlega verið úthýst. Á allra síð-
ustu árum hafa sést ánægjuleg merki þess að á þessu sé að verða nokkur
breyting.
Áhrifasögu sálmanna er einkum sinnt í 1. bindi þessa ritverks þar sem 8.
kaflinn fjallar um Saltarann í sögu hinnar dönsku Biblíu, 9. kaflinn fjallar
um sálma Gamla testamentisins í dönsku guðsþjónustunni og 10. kaflinn
fjallar um Davíðssálmana í dönskum sálmabókum. Þá er af og til að finna
upplýsingar á sviði áhrifasögu í tengslum við ritskýringu einstakra sálma,
svo sem hvort þeir séu lesnir á ákveðnum tíma kirkjuársins og hvort sé að
finna sálma í dönsku sálmabókinni sem ortir eru út af viðkomandi Davíðs-
sálmi.
Ritskýring einstakra sálma er merkt ákveðnum höfundum og áherslur
þeirra eru vissulega nokkuð mismunandi, eins og óhjávæmilegt hlýtur að
teljast. En í heildina finnst mér þó ritið býsna samstætt.
Umfjöllun um einstaka sálma er yfirleitt þannig að byrjað er á textarýni
þar sem gerð er grein fyrir ólíkum lesháttum handrita o.þ.h. Síðan er fjallað
um byggingu sálmsins og undir þeim lið hvaða tegund (Gattung) hann heyr-
ir til. Þar á eftir er fjallað um það sem kallað er einkenni sálmsins (stundum
129