Ritröð Guðfræðistofnunar - 01.01.2005, Qupperneq 133

gammeltestamentlige salmer og loks er ástæða til að nefna verk Edvards
Nielsen frá 1990: 31 udvalgte salmerfra Det gamle Testamente fortolket.
Hins vegar verður það að teljast mjög óvænt og raunar ómaklegt að í
þessu danska skýringariti skuli ekki minnst einu orði á nýlegt þriggja binda
skýringarit Svíans Helmer Ringgrens við Saltarann, Kommentar till Gamla
testamentet. Psaltaren (1-41, 1987; 42-89, 1994 og 90-150, 1997).
Það er fróðlegt að bera saman þessi tvö tiltölulega nýju norrænu skýr-
ingarit við Saltarann þó að ekki verði farið út í þann samanburð hér. En
skýringarit Ringgrens var einmitt tengt hinni nýju sænsku biblíuþýðingu,
sem raunar kom ekki út fyrr en árið 2000, en einstök rit þeirrar þýðingar
lágu fyrir löngu fyrr í kynningarritum.
Heildarniðurstaða mín um þetta rit er engu að síður sú að það byggi á
nýjustu rannsóknum í fræðunum, sé ágætlega læsilegt og öfgalaust í niður-
stöðum en full dýrt og umfangsmikið til að nýta sem kennslurit í námskeiði
í ritskýringu Saltarans. Þá dregur það að sjálfsögðu úr útbreiðslu þess að
það er ekki ritað á ensku eða þýsku. En ritið er sýnilega miðað við danska
lesendur fyrst og fremst. Það kemur m.a. fram í því að áhrifasögudæmin eru
eingöngu dönsk.
Norrænir lesendur ættu þó að geta haft fullt gagn af þessu ágæta riti. Það
gildir sannarlega um íslenska lesendur einnig.
Er full ástæða til að óska ritstjórunum Else K. Holt og Kirsten Nielsen
frá Arósum til hamingju með árangurinn svo og öllu samstarfsfólki þeirra.
Gunnlaugur A. Jónsson
131