Skagfirðingabók - 01.01.1983, Side 39

BRÉF BALDVINS EINARSSONAR
árs bil. Var það gert í því skyni að fá æfingu í starfi og dönsku
máli, en til Danmerkur var ætlunin að halda. Kennararnir á
Bessastöðum töldu Baldvin hafa mjög góðar gáfur og hann fékk
einkunnina ágætlega í iðni og siðsemi. Lýsing föður hans og
umsagnir kennaranna á Bessastöðum bera að sama brunni sem
fljótlega varð lýðum ljós, að hér var kominn fram einn hinna
fáu afburðamanna. Þegar til Kaupmannahafnar kom innritaðist
hann í lögfræði og lauk prófi í þeirri grein með loflegum
vitnisburði. Samhliða náminu í lögum sótti Baldvin fyrirlestra á
Fjöllistaskólanum (Poiyteknisk Læreanstalt) til undirbúnings
starfi sínu að mennta þjóðina í hagnýtum efnum. Var ætlunin
að ljúka þar prófum.
Einmitt um það leyti sem lögfræðinni var að ljúka var gefin
út opinber tilkynning um stofnun ráðgefandi fulltrúaþinga í
Danaveldi og þá fékk Baldvin nóg að sýsla að koma á framfæri
hugmynd sinni um endurreisn alþingis Islendinga sem átti
sterkan hljómgrunn með þjóðinni. Bæklingur hans um sama
mál á dönsku, Om de danske Provindsialstænder med specielt
Hensyn paa Island, var langbesta framlag Islendings til þessa
máls og mjög vel tekið af innlendum sem erlendum áhuga-
mönnum. Öll skrif Baldvins um stéttaþingin eins og þau voru
kölluð af því að fulltrúar voru valdir eftir stéttum, sýna skarp-
skyggni á margvíslega sérstöðu lands og þjóðar og sjálfstætt mat
á fyrirbærinu sjálfu. Hann fylgdist vel með alþjóðamálum og
var öðrum betur að sér á þeim vettvangi að dómi landa sinna í
Kaupmannahöfn.
A árinu 1828 semur Baldvin álitsgjörð um endurbætur á
lærða skólanum og vegna þess að öll mál sem vörðuðu landið
áttu langa og stranga leið um stjórnarskrifstofurnar tók hann
það óvenjulega ráð að ganga sjálfur fyrir kóng, Friðrik VI, og
tala fyrir þeim. Með þessu bragði komust þær til umræðu milli
danskra og íslenskra yfirvalda þó að lítið þokaðist í rétta átt.
Aðrir höfðu ekki betra fram að færa. A þessu sama ári hefst
útgáfan á Armanni á alþingi með boðsbréfi og fjórir urðu
37
L