Skagfirðingabók - 01.01.1983, Blaðsíða 97
SUMUR Á SYÐRI-BREKKUM
en hún fór fram á næsta bæ að finna gamla kunningja og sagðist
koma við, þegar hún kæmi aftur. Viðtökunum, sem þær fengu,
getur Stína bezt lýst í sinni ferðasögu. Það var verið að skemmta
þeim með ýmsu, þar á meðal harmonikuspili. Húsbóndi minn
er alkunnur spilari, og fjarska mikið sótzt eftir honum að spila á
skemmtunum, bæði heima á Hólum og út á Sauðárkrók og víðs
vegar á bæjum, þar sem skemmtanir eru haldnar. Þær fóru kl. 8
um kvöldið, og fékk ég lánaðan hest til að fylgja þeim á leið. Ég
fór með þeim út að Hofstöðum til Þórlaugar, og komum við
þar allar saman einu sinni á sumrinu. Okkur var boðið inn, en
við máttum ekki vera að því, vegna þess að það var orðið svo
framorðið. Svo slógust Þórlaug og önnur stúlka með okkur í
förina, svo við vorum þarna sex í hóp, og fórum við með
þeim út að brú, sem liggur yfir Eystri-Héraðsvötn. Þar skildum
við.
Bar svo ekkert sögulegt til tíðinda. Heyjaðist heldur vel, og
allt gekk sem venjulegast. Það var alltaf farið ríðandi á engj-
arnar, svo ég kom á hestbak oftar en í skemmtitúrum.
Nú leið fram að göngum. Þá var farið að hugsa til heimferðar.
Fór ég á þriðjudaginn eftir fyrstu göngur yfir að Asi til þess að
kveðja, og var ég þar allan daginn. Áður en ég fór um kvöldið,
sló húsmóðirin upp súkkulaðiveizlu fyrir mig og heimilisfólkið,
og þess vegna varð ég lengur en ég ætlaði að vera. Svo fékk Stína
að fylgja mér á leið, og var orðið nokkuð dimmt, þegar við
skildum, enda kom hún með mér meira en á miðja leið. Allir
voru háttaðir heima, þegar ég kom. Maturinn beið mín á
borðinu, en ég borðaði lítið og háttaði strax.
Síðasta laugardaginn, sem ég var þarna, fór ég út að Ytri-
Brekkum, sem er næsti bær við Syðri-Brekkur. Mér var boðið
þangað löngu í sumar, en ég fór ekki fyrr, og fór systir
húsmóður minnar með mér, Sigríður að nafni. Okkur var borið
kaffi og súkkulaði. Svo var farið að spila á grammófón ýms
danslög og fleira, svo við gátum ekki á okkur setið annað en að
dansa eftir því, og dönsuðum við hvor við aðra, við og heima-
95