Ritröð Guðfræðistofnunar - 01.09.2012, Page 124

Guðs ríki, sbr. Mk 10.15: „Hver sem tekur ekki við Guðs ríki eins og barn,
mun aldrei inn í það koma.“ Og þá má ekki gleyma að Guð gerðist maður
og opinberaði sig í barninu Jesú.
Þá þarf barnaguðfræðin að kryfja hvað Jesús á við þegar hann þakkar
Guði fyrir að hafa opinberað fyrir smælingjum, það sem hulið er spekingum
og hyggindamönnum (Mt 11.25). Allt frá þýðingu Odds Gottskálkssonar
hefur staðið smœlingjum í íslenska Nýja testamentinu, og í nýrri norskri
þýðingu (2005) er talað um de umyndige sma. í King James Version og
Revised Standard Version er notað orðið babes sem þýðing á gríska orðinu
nœpiois, þ.e. smábörn, og í New American Standard Bible er notað infants.
Orð Jesú um börnin hljóta að vera ritskýrendum og trúfræðingum áskorun
um að kryfja þessa texta enn á ný með hliðsjón af guðfræðilegum hefðum.
Það verður að vinna með barnið í sambandi við Guð, í sambandi við
barnið í söfnuðinum og í tengslum við barnið sjálft og aðra og með tilliti
til hjálpræðisins.
Dæmi um slíka krufningu, sem ég hef tilhneigingu til að líta á sem
tímamótaverk, er ritlingur Hans Ruedi Weber, Jesus and the Children, sem
Alkirkjuráðið gaf út í tilefni af ári barnsins árið 1979.10 Þar tekur hann sér
m.a. fyrir hendur að rýna í þennan þekkta texta í Mk 10.13-16:
Menn færðu börn til Jesú að hann snerti þau en lærisveinarnir átöldu þá.
Þegar Jesús sá það sárnaði honum og hann mælti við þá: „Leyfið börnunum
að koma til mín, varnið þeim eigi því að slíkra er Guðs ríki. Sannlega segi ég
ykkur: Hver sem tekur ekki við Guðs ríki eins og barn mun aldrei inn í það
koma.“ Og Jesús tók þau sér í faðm, lagði hendur yfir þau og blessaði þau.
I rýni sinni kemst Weber að þeirri niðurstöðu að Jesús hafi á sínum tíma
ekki sagt „... því að slíkra er Guðs ríki“, að Guðs ríki heyri til þeim sem
eru líkir þessum börnum, því að þá væri barnið notað sem myndlíking.
Það gerði Jesús reyndar oft, en ekki hér. Þannig telur Weber reyndar að
kirkjan hafi frá upphafi skilið þessi orð Jesú. Hann álítur hins vegar, og
færir fyrir því rök, m.a. með því að gera sér í hugarlund hvernig Jesús kunni
að hafa sagt þetta á móðurmáli sínu, arameísku, að hann hafi einfaldlega
sagt: „Guðs ríki tilheyrir þessum börnum og þeirra líkum.“ Niðurstaða
Webers er sú að hinn óverðskuldaði kærleikur Guðs, sem börnunum er
tryggður í hinum spámannlegu orðum Jesú, og framkoma hans við börn,
10 Weber, Hans Ruedi. 1979. Jesus and the Children. Genf. World Council of Churches.
122