Saga - 2009, Blaðsíða 244

íslenska þjóðvinafélags nýkomið út og hefur Heimir Þorleifsson að vanda tekið
saman árbókina, nú fyrir árið 2008. Andvari er væntanlegur en Sögufélag sér
um dreifingu þessara rita fyrir Þjóðvinafélag.
Dúxar Sögufélags. eins og menn muna var ákveðið að frá og með árinu
2005 yrði sá nemandi sem sýnir framúrskarandi árangur í sagnfræðinámi á
BA-stigi við sagnfræðiskor Háskóla Íslands heiðraður af Sögufélagi. Á árinu
2008 urðu dúxar María Jóhannsdóttir og Pálmi Gautur Sverrisson og voru
þau jafnhá í einkunn. Stjórnin hefur nú tekið þá ákvörðun að afleggja þennan
sið í sparnaðarskyni.
Fjármál Sögufélags. Það er alltaf jafn sorglegt að sjá hversu margir sagn -
fræðingar eru ekki félagsmenn í Sögufélagi. Hins vegar lifir söguáhuginn
ávallt með þjóðinni og eins og menn vita er félagið opið öllum áhugamönnum
um sögu þjóðarinnar. Uppörvandi er að geta sagt frá því að fjölmargir sagn -
fræði nemar gengu í félagið á þessu hausti. Strax í upphafi kreppu var nokkuð
um úrsagnir úr félaginu, en síðan hefur lítið borið á þeim. Það eru helst stofn-
anir, t.d. bókasöfn, sem hefur verið gert að spara sem láta áskriftina að Sögu
fjúka. Félagar eru nú um 700.
Sögufélag er rekið fyrst og fremst með félagsgjöldum og styrk frá Alþingi.
Auk þess veitti hinn nýstofnaði Bókmenntasjóður félaginu tvo styrki og var
Menningarsjóður ávallt skilningsríkur gagnvart útgáfuritum félagsins á
meðan hann var og hét. Áður fyrr styrkti Glitnir útgáfu smáritanna og Baugur
studdi myndarlega útgáfuna á Brevis Commentarius svo dæmi séu tekin. en
þetta er liðin tíð. Félagið á hús sitt skuldlaust. ef nauðsyn krefur verður tekið
lán til að halda starfsemi félagsins gangandi meðan á kreppunni stendur.
Reikningar félagsins sýna nú um 400.000 kr. tap. Hins vegar á Sögufélag inni
mun hærri upphæð hjá bóksölum sem hafa orðið gjaldþrota og er nokkur
von til þess að eitthvað fáist úr þrotabúunum.
Í haust var brugðið á það ráð að halda útsölu á bókum Sögufélags í húsi
félagsins. Tókst það nokkuð vel og var selt fyrir um 400.000 kr. Þegar vöru-
talning hefur farið fram og lagerinn er kominn í gott lag verður útsala haldin
á ný. Á síðasta fundi fráfarandi stjórnar var vandlega farið yfir stöðu mála
og ýmsir liði skornir niður.
Meðal brýnna verkefna sem stjórnin hefur ákveðið að hrinda í fram-
kvæmd er að taka saman póstlista yfir félagsmenn og útbúa bækling með
ritum Sögufélags, sem sendur verður til allra félagsmanna. Ólafur Rastrick hefur
umsjón með heimasíðunni og er stefnt að því að koma þar upp lista með
öllum fáanlegum bókum Sögufélags á góðu verði handa félagsmönnum.
Daglegur rekstur er í höndum Ragnheiðar Þorláksdóttur, starfsmanns
félagsins. Heimir Þorleifsson, fyrrverandi forseti félagsins, sem hefur tekið
að sér bókhald félagsins mörg undanfarin ár, hefur samþykkt að gera það
áfram og kann stjórnin þeim báðum bestu þakkir fyrir ómetanleg störf í þágu
félagsins.
Anna Agnarsdóttir
af aðalfundi sögufélags 2009244
Saga haust 2009 UMBROT NOTA-1_Saga haust 2004 - NOTA 25.11.2009 12:45 Page 244