Tímarit Máls og menningar - 01.11.2018, Síða 102

L ó a H l í n H j á l m t ý s d ó t t i r
102 TMM 2018 · 4
og hanaandlitið, sem hljóp um hátíðina og virtist vera að leika í sinni eigin
bíómynd.
Í anddyri hallarinnar var hægt að mála verur úr leiknum Warhammer með
agnarsmáum penslum undir leiðsögn þrautþjálfaðra atvinnumanna. Á sama
stað var einnig búið að útbúa spilasal á vegum Spilavina. Þar sátu ungir sem
aldnir og spiluðu borðspil úr ótrúlegu úrvali sem starfsfólk búðarinnar hafði
komið fyrir í hillum um allan salinn. Gestir Miðgarðs gátu flakkað milli
borða og tyllt sér þar sem vantaði spilafélaga eða fengið áhugasaman Spilavin
til að leiðbeina sér. Spilavinir hafa verið starfræktir í rúman áratug og fyrir
þau sem hafa ekki enn uppgötvað þennan griðastað í Skeifunni er hiklaust
hægt að mæla með heimsókn þangað. Þeir eiga það sameiginlegt með Nexus
að vera ekki aðeins búð með varning heldur fóstra þeir samfélög. Spilavinir
halda regluleg bekkjar- og spilakvöld og á opnunartíma búðarinnar taka þeir
vel á móti gestum og gangandi. Nexus heldur úti ýmiss konar félagsstarfi.
Má þar helst nefna Nexus Noobs sem er félagsskapur fyrir börn og unglinga
sem snýst að miklu leyti um spil og samveru og þar er hægt að velja sér hópa
eftir félagslegum styrkleika þátttakenda. Fólk á vegum Nexus Noobs var
með kynningarbás í stóra salnum í Miðgarði og þar var hægt að kynna sér
málið og rabba við sálfræðinginn og kennarann sem standa að þessu verk-
efni. Á móti þeim sat fólk frá hryllings-, fantasíu- og vísindaskáldskaparráð-
stefnunni Ice Con sem var haldin skömmu síðar. Þau buðu upp á kaffi og kex
og kynntu verkefni sitt fyrir Miðgarðsförum. Í einu horninu í aðalsalnum
höfðu víkingar einnig hreiðrað um sig í tjöldum og á klukkustundar fresti
var blásið til slagsmála. Ómur í dýrahorni barst um salinn og því næst birtust
glaðlegir víkingar og slógust. Áhorfendur skemmtu sér og hlógu og virtist
sem þarna væri á ferðinni hæfileg blanda af gamni og alvöru. Með reglulegu
millibili kom hópur af orkum úr hugarheimi J.R.R. Tolkien og arkaði um
salinn. Þau voru ekki bara í búningum heldur sinntu þau hlutverkum sínum
af mikilli alvöru. Munurinn á cosplay og fólki í öskudagsbúningum er nefni-
lega sá að það fyrrnefnda krefst meiri leikrænna tilburða og búningarnir
mega helst ekki vera keyptir beint úr búð. Orkahópurinn hafði augljóslega
haft mikið fyrir búningunum og aukahlutum enda varð hann í öðru sæti í
búningakeppni helgarinnar.
Meðfram einum veggnum í aðalsalnum sátu einyrkjar við bása sína. Þar
mátti meðal annars finna teiknara, myndasöguhöfunda og litlu mynda-
söguútgáfuna Frosk. Teiknarar létu óskir rætast og teiknuðu eftir pöntunum
og myndasöguhöfundar árituðu bækur. Útgáfan Froskur er stórmerkilegt
fyrirbæri. Eigandinn er teiknarinn Jean Posocco og sér hann nánast einn
síns liðs Íslendingum fyrir íslenskum þýðingum á erlendum myndasögum.
Hann stendur í því göfuga verkefni að gefa út klassíska titla eins og Ástrík og
Steinrík og Sval og Val. Útgáfan er rekin af mikilli hugsjón því markaðurinn
fyrir myndasögur á tungumáli sem fáir tala er ekki ýkja stór eins og gefur að
skilja. Á móti einyrkjaganginum var bangsasölumaður sem seldi dúnmjúk
TMM_4_2018.indd 102 6.11.2018 10:22