Tímarit Máls og menningar - 01.11.2018, Qupperneq 104

L ó a H l í n H j á l m t ý s d ó t t i r
104 TMM 2018 · 4
Buffy the Vampire Slayer á stóru tjaldi og svo hófust umræður um þáttinn.
Í öðrum sal var hægt að taka þátt í upptöku á Hefnendum. Hefnendur er
hlaðvarp sem fjallar um poppmenningu og þá sér í lagi um ofurhetjur. Stóra
heimspekilega spurning þáttarins snerist um hvort Súpermann væri með
hringvöðva eins og fólk og fengu gestir að koma með eigin getgátur og kenn-
ingar um líffræði ofurhetjunnar. Á boðstólum var líka fyrirlestur um hvernig
leikurinn Quidditch úr bókunum um Harry Potter hefur færst frá skáldskap
yfir í veruleikann og orðið að alþjóðlegri keppnisíþrótt.
Eitt af því skemmtilegasta á dagskránni var fjöldaspilið Go Goblins, go.
Þýskur sögumaður stóð á sviðinu með risastóran uppblásinn tening. Í salnum
sátu þátttakendur og hver og einn hafði eitt spil á hendi. Sögumaðurinn tók
til við að spinna ævintýri og fólkið í salnum skiptist á að bjóða sig fram í
ýmis verkefni.
Stóri teningurinn réð svo örlögum þeirra því ef talan í kastinu var ekki
nægilega há vegnaði þeim illa. „You fell down the hole and broke every bone
in your body,“ sagði sögumaður, og brosandi reif hann spjald „hins látna“.
Leikurinn var einskonar útsláttarkeppni í hlutverkaleik (e. roleplay) og áhugi
og gleði sögumannsins var smitandi. Áhugi og gleði eru einmitt jákvæðir
fylgifiskar þessa menningarafkima. Poppmenningin brúar kynslóðabilið
því fullorðnir og börn geta spilað, horft, lesið og leikið sér saman. Fólk
eyðir mörgum klukkutímum í áhugamál sín og það er eitthvað einstaklega
heillandi við þolinmæðina og einlægnina sem felst í því að sitja dögum saman
TMM_4_2018.indd 104 6.11.2018 10:22