Heilbrigðisskýrslur - 01.12.1935, Blaðsíða 35
3.‘5
hafi haft nein áhrif, hvorki til góðs né ills, en þess ber að geta, að
niargir mánuðir liðu frá því að innspýtingin fór fram og til þess
að börnin smituðust.
Þingeijrar. Eitt kikhóstati 1 felli barst frá Reykjavík í maímánuði.
Var einangrað. Stöðvun tókst. Samlímis voru öll þorpsbörn fram til
tveggja ára aldurs og þau, er veikluð voru, sprautuð með l;ik hósta-
itólefni. 1 júní barst veikin inn í héraðið á 3 heimili samtímis. Var j>á
vörnum hætt. Má telja, að veikin hafi náð almennri útbreiðslu um hér-
aðið. Þó munu margir sveitabæir hafa sloppið. Virtist veikin fremur
væg, enda gekk hún yfir á hentugum tíma. Eigi bar á alvarlegum
eftirköstum. Enginn dó i Dýrafirði. Árangur af bólusetningunni virt-
ist enginn. Þyngsta tilfellið var bólusett á undan smitun. í Arnarfirði
dó eitt barn úr bronchopneumonia.
Flateyrar. Barst inn í héraðið snemma sumars og fór víðast yfir.
Oftast fylgdi veikinni djúp bronchitis og' stundum kveflungnabólga.
Sum börn, einkum þau, sem fengu inflúenzu samtímis kikhóstanum,
urðu mikið veik. Eitt ungbarn í Súgandafirði var talið að hafa dáið
úr kikhósta. Veikluðum börnum hætti mjög við að fá langvarandi
hitaslæðing upp úr kikhóstanum. Flest börn voru sprautuð með kik-
hóstabóluefni áður en veikin barst inn í héraðið, án þess að séð yrði,
að það bæri noklcurn árangur.
Hóls. Gekk einkum mánuðina júní og júlí, en tók að verða strjálli
í ágúst og' september. Þó segja megi, að þessi kikhóstafaraldur hafi
á sumum börnum verið erfiður og langvinnur, þá fannst mér hann
þó varla í lakara lagi, borið saman við þann kikhóstafaraldur, er
ég' hefi áður þekkt. Slæmt og langvinnt lungnakvef með sótthita fengu
sum börnin í kjölfar þessa. Öllum batnaði þó nokkurnveginn og fengu
ekki fylgikvilla, að einu barni undanteknu, er var fárra vikna gamalt.
Fékk það lungnabólgu og dó. Nokkur börn höfðu verið sprautuð með
kikhóstabóluefni áður en veikin kom hingað, þrisvar sinnum hvert
þeirra. Ekki trevsti ég' mér til þess að draga nokkra ábyggilega álykt-
un um árangur af þessum innsprautunum. Þó virtist mér sum barna-
heimilin sleppa mun betur, er þetta höfðu Iátið gera hjá sér, einnig
einstaklingar á víð og dreif. Aftur á móti veiktust sum þessara bólu-
settu barna töluvert mikið. Til þess að draga úr verstu köstunum og’
veita börnunum nokkurn svefn vegna hósta, þegar verst gekk, var
þeim gefið hið gamla kikhóstalyf, belladonna, er oft virtist gera gott
gagn, ennfremur stundum Allonal (Roche), er einnig virtist koma
að notum.
ísafj. Kom hingað frá Reykjavík, og byrjaði veikin að gera vart
við sig síðast í maímánuði. Veikin byrjar í Hnífsdal og virtist vera í
hyrjun mjög væg, en eftir því sem útbreiðslan varð meiri, harðnaði
veikin. 8 börn fengu lungnabólgu og dóu 5 þeirra. Eitt barn kafn-
aði í hóstakasti, og annað barn, 3 ára, fékk krampa og dó (var
berklaveiklað). Börnin voru afskaplega illa undir það búin að fá
kikhóstann, því að flest þeirra höfðu fengið inflúenzuna rétt áður
°g voru alls ekki búin að ná sér eftir hana. Fjölmörg börn voru bólu-
sett gegn kikhóstanum, en hvern árangur bólusetningin hefir haft, er
ekki hægt að dæma um.
5