Úrval - 01.06.1971, Side 70

68
ÚRVAL
því fólgin að eiga „samtal“ í hug-
anum, að hugsa sér samtal, þ. e.
koma hugsunum í orð án þess að
segja þau. Talvöðvarnir verða að
mynda öll orðin, til þess að slíkt sé
hægt, en að vísu aðeins með örlitl-
um vöðvahreyfingum. En ef þið
slakið á tungu, vörum og hálsvöðv-
um, verður ómögulegt „að hugsa í
orðum“.
Hið sama gildir um sjónmyndir,
sem ber fyrir augu okkar í innra
hugarheimi. Slíkar sjónmyndir geta
ekki orðið til, án þess að augnvöðv-
arnir myndi þær með örlitlum
hreyfingum. Hið sama gildir um
ímyndaðan verknað, hvort sem
maður hugsar sér, að maður lemji
dónann, eins og maður hefði átt að
gera, eða píanistinn leikur aftur
kaflann, sem fór í handaskolum hjá
honum. Heilinn getur ekki fram-
kvæmt þennan ímyndaða verknað
án aðstoðar örlítilla hreyfinga í
handleggjum, hendi eða fingrum,
þ. e. þegar „gefið er á kjaftinn“ eða
„kaflinn leikinn" á ný í huganum.
Takist ykkur því að slaka á þess-
um aðstoðarvöðvum hugsunarinnar,
getið þið „tekið heilann úr sam-
bandi“ og fengið góðan nætur-
svefn.
Þúsundir manna, sem lært hafa
að draga úr „stjórnlausri" spennu
með því að slaka á vöðvum, er lúta
stjórn, hafa komizt að því, að bragð-
ið heppnast hverju sinni. En þetta
krefst æfingar og vilja til þess að
gefast ekki upp. Þessi hæfileiki
þroskast aðeins smám saman stig af
stigi. Það er ekki um neina skyndi-
breytingu að ræða. Því lengur sem
ykkur tekst að viðhalda slökun
stærri vöðvanna, því fleiri hinna
minni vöðva munu slaka á, jafnvel
þótt þið hafið enn ekki þroskað hjá
ykkur hæfileika til þess að slaka
viljandi á litlu vöðvunum. Ef þið
eruð spennt, hvort sem slíkt er á
háu stigi eða ekki, og hafið ekki
enn náð mikilli þjálfun í slökun,
eru ekki líkur á því, að þið náið
fullkomnu slökunarástandi eftir að-
eins slökun. að nokkru leyti, sem
fengizt hefur eftir aðeins 5—10 mín-
útna tilraun. Þessari ástandsbreyt-
ingu svipar til þess, þegar slökkva
á öll ljósin í húsinu. Það mun ekki
ríkja myrkur í húsinu, fyrr en bú-
ið er að slökkva á síðasta ljósa-
hnappnum.
Væruð þið að læra að slaka á
samkvæmt leiðbeiningum dr. Jacob-
sons eða einhvers hinna mörgu
leiðbeinenda og lækna, sem hann
hefur þjálfað á þessu sviði, mund-
uð þið eyða vissum tíma á degi
hverjum liggjandi í algerri hvíld-
arstellingu með lokuð augu. Þið
munduð svo spenna einhvern stór-
an vöðva og slaka á honum og end-
urtaka þessa æfingu nokkrum sinn-
um. Síðan munduð þið enda æfing-
una á því að halda síðustu slökun-
inni áfram og reyna að auka hana
og dýpka og þjálfa ykkur í að
skynja vöðvann í algerri slökun.
Þið munduð taka fyrir einn stóran
vöðva í hverri æfingu, þannig að
þið æfðuð smám saman flesta stóru
vöðvana í handleggjum, fótleggjum
og búk. Síðan munduð þið taka til
við minni vöðvana og læra að
skynja hina fíngerðari spennu
þeirra og stjórna þeim og slaka á
þeirri spennu. Og smám saman