Andvari - 01.01.1975, Page 108
106
FINNBOGI GUÐMUNDSSON
ANDVARI
Heimili Helgu og Stephans G. Stephanssonar skammt frá Markerville í Albertaf-ylki.
Kjartan O. Bjarnason tók myndina (ÞjóSminjasafn Islands).
að öðrum kosti hefði Stephan ekki setzt við að skrifa henni hið snjalla ljóðabréf
á sjálfan fertugsafmælisdaginn.
Augljós skyldleiki er með upphafi ljóðbréfsins og kvæði Stephans Vestur í
frumbýli, er birt var í þessari samantekt, og styður það heldur þá hugmynd, ei
sett var fram fyrr, að því og kvæðinu um Gísla Dalmann sé af ráðnum hug
raðað saman í Andvökum.
Bréf Carolínu, þótt nú sé óþekkt, og ljóðabréf Stephans benda til þess, að
þau hafi skilið sátt að kalla eftir rimmu, sem tvímælalaust hefur fengið mjög
á þau bæði. Góðs viti er og það, sem Stephan skrifar Helgu konu sinni að heiman
til Winnipeg 19. júlí 1911, þá er hún var þar á skemmtiferð. En Stephan
byrjar bréfið á þessa leið:
„Góða mín. - Seinustu skeytin frá þér eru kjóll til Rósu og frétt um, að þú
hafir drukkið Heimskringlukaffi með Carolínu hjá Baldvin," þ. e. Baldvin L.
Baldvinssyni ristjóra, en Stephan hafði 1906 sagt sundur með sér og „Kringlu"
vegna grcmju við ritstjórann (shr. Bréf og ritgerðir IV, 273-75).
Eg hirti nú meginhluta Ijóðabréfsins og læt Stephan hafa síðasta orðið
í hinum fögru lokaerindum þess: