Andvari - 01.01.2004, Qupperneq 37

ANDVARI
AUÐUR AUÐUNS
35
henni var beint; reit blaðagreinar og sendi inn svargreinar. Hún getur
ekki á sér setið að vara kynsystur sínar við að láta ginnast af fögrum
fyrirheitum og loforðum til fylgis við aðra flokka og leggja að veði
verulegan hluta síns persónulega frelsis; ljóst er að hún metur það
frelsi mikils.
í orrahríðinni miðri, 17. janúar 1946, ritar hún hlý og samúðarrík
kveðjuorð í blað vegna fráfalls Laufeyjar Valdimarsdóttur er lést á
ferðalagi erlendis skömmu áður. Eins og getið hefur verið áttu þær
mikið samstarf innan Kvenstúdentafélagsins og hjá Mæðrastyrks-
nefnd. Laufey var öllum mikill harmdauði er hana þekktu. Auður segir
meðal annars svo í minningu hennar:
Islenskar konur senda henni þakkir fyrir hennar merka forystustarf og yfir
landamæri lífs og dauða fylgir henni blessun þeirra umkomulausu og smáu,
sem hún alla tíð bar svo mjög fyrir brjósti og greiddi götuna fyrir eins og hún
best gat. - Betra veganesti verður ekki á kosið þegar lagt er upp í ferðina löngu.
Úrslit kosninganna urðu þau að Sjálfstæðisflokkurinn fékk 11.833
atkvæði eða 48,6% og átta menn kjörna. Auður Auðuns sat sinn fyrsta
fund í bæjarstjórn Reykjavíkur 2. febrúar 1946. Á þeim fundi var kjör-
•ð í bæjarráð og er Auður einn varamanna í ráðinu; á hún eftir að vinna
að málefnum Reykjavíkur næsta aldarfjórðunginn eins og greint verð-
Ur frá. Þegar næsta ár verður hún varaþingmaður flokks síns í Reykja-
víkurkjördæmi og var það forsmekkur að langri þingsetu hennar síðar.
Þegar Auður Auðuns gaf kost á sér í prófkjör haustið 1945 fyrir
homandi bæjarstjórnarkosningar steig hún fyrstu skrefin inn í þriggja
aratuga tímabil að sleitulausu stjómmálastarfi. Hún var þá 34 ára
gömul. Án efa hefur það orðið henni veruleg uppörvun til starfans
hversu glæsilegum árangri hún náði í prófkjörinu, nýliði á sviði stjóm-
mala. Hún leggur ótrauð til vinnu að málefnum bæjarbúa samhliða því
að sinna eigin fjölskyldu og heimili. Á þessu skeiði fæðast tvö yngstu
uörn hennar og er þá orðið um uppeldi fjögurra barna að annast og
Verður mörgum það eitt ærið verkefni. Nær miðjum sjötta áratugnum
reisti fjölskyldan ásamt öðrum íbúðarhús við Ægissíðu, tveggja hæða
uus á kjallara og með háu risi. Auður og Hermann bjuggu með börnum
Slnum á efri hæð og höfðu risið einnig til nota; neðri hæð og kjallari
!°ru í annarra eigu. Húsið stóð á stórri lóð sem Auður ásamt öðrum
\ Uum hússins lagði mikla alúð við að rækta. Byggingin var reisuleg og
Ur stofugluggunum uppi var fagurt útsýni til suðurs yfir Skerjafjörðinn.