Andvari - 01.01.1929, Qupperneq 54

50
Fiskirannsóknir
Andvari
Eg ætla ekki að fjölyrða um allar þessar fiskateg-
undir, að eins minnast stuttlega á fáeinar.
Aðalfiskurinn þarna er, eins og vant er hjá oss,
þorskurinn. Af honum var nú mikil mergð, enda
þótt liðið væri mjög á vertíðina, og var það mest allt
fullorðinn fiskur, fátt af stútungi, og af þyrsklingi lítið.
Þegar við komum í Djúpið, var hann í óða önn að
hrygna, margir hálfgotnir eða svo og margir líka alveg
úthrygndir; en eftir því sem leið á tímann, fjölgaði hin-
um síðartöldu, og síðustu dagana var flest af fiskinum
útgotið; þó kom dálítil hrota af ógotnum eða gjótandi
þorski í einum drætti á 90—100 fðm. í Jökuldjúpi 10.
maí, þegar annars allur fiskurinn var gotinn, og runnu
hrogn og svil frá honum á dekkið.
Eg gat þess í síðustu skýrslu, að eg hefði orðið þess
var, meðan eg dvaldi á Selvogsbanka vorið 1925, að
egg og svil rynnu frá gjótandi þorski á dekk skipsins
og þaðan úti í sjó, og lét í ljósi þá skoðun, að frjóvgun
mundi fara fram í allmiklum mæli, þegar svona stæði á,
en hafði þá ekki tækifæri til að gera tilraunir með
þetta sjálfur, svo að eg gæti fengið vissu fyrir að svo
væri. Hafði það verið ásetningur minn að reyna í þess-
ari ferð á Selvogsbanka, og hafði með mér glös o. fl.,
til þess að gera tilraun, en það varð nú ekki úr því að
eg kæmist þangað, en hér fekk eg tækifæri til þess að
gera það og safnaði töluverðu af eggjum úr sjó þeim,
sem rann út af skipinu og hafði skolazt um fiskinn, þar
sem hann lá í kösinni, eða yfir hrognin og svilin, sem
úr honum voru rifin og fleygt í hrúgur á dekkið. Ut-
koman af þessum tilraunum varð þó vafasöm, og egg
með fóstrum í, sem eg fekk í háf við skipshliðina, gátu
eins vel verið frá fiskum, sem höfðu gotið á eðlilegan
hátt í sjónum; mun eg víkja að þessu atriði síðar.