Andvari - 01.01.1929, Qupperneq 56

52
Fiskirannsóknir
Andvari
sem hér var um að ræða, var bæði millisíld, úthrygnd
vorgotsíld og óhrygnd sumargotsíld, og þó meira af
hinni síðartöldu, einkum síðari hluta útivistarinnar. Sumt
af síldinni var með tóman maga, en í mörgum var
augnasíli (»grænáta«), stundum alveg ómelt, nýgleypt.
Þess er vert að geta, að ein fullorðin þykkvalúra
fekkst á 110 fðm. í ]ökuldjúpi, miklu dýpra en hún er
vön að fást (80 fðm.), og að ein hrognkelsahjón fengust
á sama stað, og morguninn, sem þau fengust, sá skip-
stjóri eitt ofansjávar á leið inn í flóann; í fyrra vetur
fekk einn togari tvískiptan poka af hrognkelsum í
Kolluál.
Af verulega fáséðum fiskum hér fengum við að eins
eina hvítaskötu (Raja lintea); það var fullþroskaður
fiskur, sem fekkst í ]ökuldjúpinu, með 1 kolmunna og
2 stóru mjóna í maga. Þetta var þriðji fiskurinn, sem
fengist hefir hér með vissu; hinn fyrsti fekkst á ]ökul-
banka 1911? og sá næsti á Hornbanka 1926.
L o ð n u varð alls ekki vart við og af s a n d s í 1 u m
sá eg að eins tvö; af spærling var ekki margt og
lítið í fiskamögum.
Enn er að nefna tvo fiska, sem margt var af í Jökul-
djúpinu: kolmunna og gulllax. Kolmunninn er
þorsktegund ein lítil (hæzt 50 cm), sem á heimkynni í
hafinu S- og V- af íslandi og víðar og hrygnir úti á
reginhafi, við brúnina á landgrunni Evrópu, á 1000—2000
m dýpi. Hingað koma seiðin veturgömul og svo dvelur
fiskurinn hér við S- og V-ströndina 2—3 ár og hverfur
svo aftur til hrygningarstöðvanna. Hér hefir hans orðið
mest vart við Vestmanneyjar, en að eins 10—20 cm
fiskur, en nú var mergð af honum í Jökuldjúpi (hefir
líka fengizt þar áður (»Explorer« 1925)) 4 stærðinni frá
18—35 cm, en þó allt óþroskaður fiskur. Það fengust