Andvari - 01.01.1929, Síða 57

Andvari
Fiskirannsóknir
53
oft 10—20 fiskar í einum vörpudrætti, auk þess sem
hann var oft í mögum þorska, eins og áður er sagt, og
virtist hann vera allmikill þáttur í fæðu þorsks og fleiri
fiska þarna. Þeir, sem eg skoðaði innan í, voru tómir,
en sennilega etur hann augnasíli og náttlampa, ef það
er að fá. Eg rannsakaði aldur þessa fisks (á kvörnun-
um, því að hreistrið dugði ekki) og var hann 2—4
vetur, en flestir þrevetrir og 24—29 cm á lengd, og
hrygnurnar lítið eitt stærri en hængarnir. — Hann var
feitur á fisk og lifur, var soðinn um borð og reyndist
góður átu. — Gulllaxinn er djúpfiskur af laxa-
ættinni og á hér heima á sömu slóðum og hinn (sbr.
Fiskarnir, bls. 377). Hann er hér fremur strjáll víðast,
en nú var allmargt af honum í ]ökuldjúpinu, einu sinni
jafnvel nokkurir tugir í drætti, en flestir srnáir 15—30
cm, og allir óþroskaðir, nema ein 50 cm útgotin hrygna,
því að þroskaði fiskurinn hefir víst verið úti í regin-
djúpi við hrygningu. Um fæðu hans fekk eg ekkert að
vita, en aldurinn reyndi eg að ákvarða, því að kvarn-
irnar reyndust allvel hæfar til þeirra hluta, og varð
niðurstaðan sú, að nokkurir, sem voru 22—33 cm,
reyndust vera þrevetrir til fimm vetra, flestir fjögurra.
Af því sem hér hefir verið sagt, um þessa tvo fiska,
virðast þeir vera tíðari í Jökuldjúpinu, en annars staðar
hér við land, það eg hefi til spurt, en vera má, að
óvanalega hár sjávarhiti hafi í þetta sinn átt einhvern
þátt í því, einkum um kolmunnann. Af óæðri dýrum bar
mest á leturhumar og hjartígul á blautum botni.
Hin hér umræddu djúpmið, suður og út af Snæfells-
nesi, hafa reynst hin mesta bjargarlind hin síðari árin
fyrir togara vora og lóðagufuskip, auk þess sem þau
eru uppgripa síldarmið á vorin og sumrin fyrir rekneta-
veiði og leggja því drjúgan skerf til þeirrar beitu, er