Andvari - 01.01.1929, Page 96

92
Fiskirannsóknir
Andvari
eggið á 15—16 fðm. og selinn á 20 fðm. færi. Þeir
æfðu mjög list þessa, enda fóru þeir víða til selveiða
og til að kenna öðrum listina, svo sem norður á ísa-
fjarðardjúp, Steingrímsfjörð og Breiðafjörð og báru ætíð
af með þessa veiði, enda skutluðu þeir manna bezt.
Þessi arðsama og fallega list, að skutla, hefir horfið
úr sögunni með hvalnum og selnum. Eini maðurinn,
sem nú er eftir á lífi af þessum afburða skutlurum, er
Matthías Ásgeirsson í Baulhúsum, nú (28. mars 1928)
76 ára gamalU.
Svona hljóðar þessi skýrsla Gísla. Hún er eins og
minningarorð eftir nú undir lok liðna atvinnugrein, sem
jafnframt var mikil íþrótt, sem krafðist góðrar miðunar
og stöðugrar handar. Ef til vill verður hún tekin upp
aftur eins og »sport« — hún er ekki lakara sport en
spjótkastið, sem ungir menn eru nú að temja sér. —
Selveiðarnar eiga sjer nú ekki viðreisnar von hér — úti
við ísinn, eru Norðmenn fyrir. — Þær tilraunir, sem
gerðar hafa verið hér (frá Vestfjörðum) undanfarið, hafa
mistekizt, en það mætti kannske reyna betur.
E. Nokkur orð um dragnætur.
Fiskimenn í Höfnum í Gullbringusýslu sendu atvinnu-
málaráðuneytinu, sumarið 1927, beiðni um að fá Hafna-
sjó friðaðan fyrir dragnótabrúkun. Æskti ráðuneytið
umsagnar minnar um beiðni þessa og læt eg hana koma
hér fyrir almenningssjónir, af því að svo virðist sem álit
almennings hér á þessu veiðarfæri sé oft á allt annan
veg, en ástæða er til og beri vott um furðulitla þekk-
ingu á því og áhrifum þess.
Umsögn mín (dags. 19. okt. 1927) var þessi:
»Koladragnótin er fundin upp í Danmörku laust eftir
miðja síðustu öld, til þess að veiða með kolategundir