Búnaðarrit - 01.01.1938, Page 276

268
BÚNAÐARRIT
sjálfbjarga yfir sumartímann séu sæmileg skilyrði
fyrir hendi.
Fuilorðnu gæsirnar geta sem sagt aflað sér fæðu
sjálfar yfir sumartímann að miklu leyti. Þær geta lifað
mikið til á grasi og gengið sér til beitar allt sumarið
og jafnvel fram á vetur. Þær þurfa ekki mikið land til
umráða, en það þarf að vera grasgott og bezt er að
landið sé ræktað. Er auðvelt að girða gæsirnar af
og sjálfsagt að gera það þar sem noltkuð teljandi er af
þeim. Vetrarfóðrið getur að mestu leyti verið matar-
úrgangur og gott hey, sem þarf að saxa vel í sundur.
Ef hægt er að fá þær til að éta vel verkað vothey,
er það þeim ágætt sem viðhaldsfóður.
Undir slátrun þurfa dýrin þó að fá betri viður-
gerning og yfir varptímann þarf að sjá þeim fyrir
kjarnbetra fóðri en ella.
Vel má komast af með ódýran umbúnað við gæsa-
rækt. Gæsin þarf að hafa aðgang að vatni, grasi og
sandi og svo skýli fyrir verstu veðrum og yfir vetrar-
tímann. Annars er gæsin gefin fyrir það að halda sig
sem mest úi og kulda þolir hún mjög vel.
Mikið veltur á hér, sem annarstaðar 1 búfjárrækt-
inni, að stofn sá, er maður vinnur með, sé góður og
gæta verður þess vel að velja alltaf álitlegustu dýrin
og kynbeztu, sem lífdýr.
Það er talið að þurfi einn stegg með hverjum 3—4
gæsum. Það borgar sig sjaldnast að láta gæsirnar
lifa lengur en 6—7 ár, því þá fara þær að verpa ver
en fyrstu árin.
Það, sem ég hefi sagt hér að framan, hefir verið
einskonar yfirlit yfir alifuglaræktina og ég hefi leit-
azt við að taka þau atriði til meðferðar, sem ég tel að
mesta þýðingu hafi á því stigi, sem við nú stöndum
á í þessum efnum.