Uppeldi og menntun - 01.01.2006, Síða 44

44
viðmið ég notaði við greiningu mína. Tvær frásagnir úr kennslu minni fylgja til að
gefa mynd af þróunarferlinu. í lokin fylgir greining mín á ferlinu.
í rannsókninni leitaði ég svara við spurningunni: Hvaða þættir hafa áhrif á hvernig
starf stærðfræðikennarans þróast?
Til að greina það nánar spurði ég eftirfarandi spurninga:
Hvaða áhrif hafa viðhorf kennarans til stærðfræðimenntunar á kennslu hans?
Hvernig getur kennari nýtt sér þekkingu sína á námi barna, stærðfræði og stærð-
fræðikennslu til að þróa starf sitt?
Hvernig getur reynsla kennara af samskiptum hans við nemendur hjálpað hon-
um til að ígrunda kennslu sína?

Það er von mín að lýsingin á kennslu minni og greining á því námi sem átti sér stað í
kennslustofunni geti varpað ljósi á starf kennarans og orðið einhverjum hvatning til
að rannsaka eigin kennslu með það að markmiði að bæta hana.
Bakgrunnur
Rannsóknin átti sér langan aðdraganda. Þegar ég hóf framhaldsnám við Kennarahá-
skóla íslands var ég starfandi kennari á yngsta stigi grunnskólans og kenndi auk þess
kennaranemum og starfandi kennurum um stærðfræðinám og kennslu. Til þess að
vera fær um að kenna þeim þurfti ég að vera vel að mér um allt sem tengist námi
barna og kennarastarfinu. Það hvatti mig til þess að skoða mína eigin kennslu í grunn-
skólanum og lesa mér til um kenningar um nám barna og nýjar rannsóknir á því sviði.
Það sem ég las mátaði ég við mínar eigin hugmyndir, ræddi um það við samkennara
mína og reyndi að læra af því hvernig ég gæti bætt kennslu mína. Þessi reynsla varð
mér hvatning til að gera rannsókn á starfi mínu og skrifa um hana.
Sú þróun sem átti sér stað í kennslu minni þau þrjú ár sem ég vann að rannsókninni
er margslungin og ekki auðvelt að gera grein fyrir öllu því sem áhrif hafði á hana. Ég
tel mikilvægt að gera grein fyrir þeim þáttum sem ég tel að hafi haft áhrif á hvernig við-
horf mitt til stærðfræðináms og kennslu hefur mótast, bæði áður en rannsóknin hófst
og einnig meðan á henni stóð. Ég gerði mér fljótlega ljóst að til að rannsaka kennslu
mína þyrfti ég að kynna mér rannsóknir á starfi stærðfræðikennara. Síðar í greininni
segi ég frá þeim rannsóknum sem ég kynnti mér auk þeirra rannsókna á námi barna
sem mest áhrif höfðu á viðhorf mitt til starfsins og kennsluhætti mína.
Eftir því sem ég las mér meira til um stærðfræðinám og kennslu gerði ég mér betur
grein fyrir því hve mikil áhrif viðhorf mitt til stærðfræðimenntunar hafði á starf mitt
og að mikilvægt væri fyrir mig að rannsaka hvernig það hefði þróast. Þegar ég fór
að hlusta betur á útskýringar nemenda minna og reyna að skilja hvað þeir voru að
segja mér komu oft upp í hugann minningar frá eigin stærðfræðinámi og mér skildist
smám saman hvernig það hafði mótað viðhorf mitt til stærðfræði. Mér hefur alltaf þótt
gaman að glíma við stærðfræðiverkefni og á ánægjulegar minningar um það. Reynsla
mín er ólík reynslu margra sem ég hef rætt við um stærðfræðinám og ég fór að velta
•
•
•
AÐ LæRA AF E IG In KEnnSLU