Búnaðarrit - 01.01.1992, Qupperneq 80
vegar átt við grunnupplýsingar, þ.e. fæðingarnúmer, frostmerkingu, nafn,
uppruna, lit, ætt, eiganda hvers hross og hins vegar upplýsingar eins og
niðurstöður kynbótadóma og kynbótamat, og skammt verður líklega í, að
skráning á blóðflokkun bætist við. Kerfið, sem ber nafnið Fengur, er að
grunni til prófverkefni þriggja nemenda Tölvuháskóla Verslunarskóla
Islands, þeirra Jóns Baldurs Lorange, Þrastar Ingimarssonar og Ólafs
Óskarssonar. Þremenningarnir unnu að þessu verki framan af ári í samráði
við mig og luku prófi í maí. Þetta heppnaðist mjög vel, auk þess sem svo vel
vildi til, að Jón Baldur var ráðinn í maí til félagsins sem umsjónarmaður
tölvumála, svo að frekari hönnun kerfisins er Búnaðarfélaginu hæg.
Undir verkstjórn Jóns Baldurs var hafist handa við víðtæka skráningu
skýrsluhalds í hrossarækt í júlí, en grunnur að því verki var lagður á árinu
1990. Hér er um afar viðamikið starf að ræða, sem mikill tími hefur farið í,
einsog sjá má í yfirliti mínu um starfið á árinu. Skráningin sjálf hefur hvílt á
herðum Guðlaugar Hreinsdóttur, Unnar Melsted og Jóhönnu Lúðvíksdótt-
ur í tölvudeild og þá helst þeirrar fyrstnefndu, það góða starf vil ég þakka.
Jón Baldur mun gera nánari grein fyrir framgangi starfs við skráningu í
Feng, en fyrstu gögn úr kerfinu bárust til hrossaræktenda fyrir jól. Allt útlit
er fyrir, að þátttaka í þessu nýja skýrsluhaldi í hrossarækt verði með
ágætum, en þar sem skráningu hrossa af landinu öllu er ekki lokið, sleppi ég
að nefna allar tölur um t.d. fjölda þátttakenda í skýrsluhaldi o.fl. Fengs-
kerfið hefur töluvert verið kynnt hestafólki og sérfræðingum í tölvumálum
og hlotið góða umsögn. Nú hillir loks undir, að stefna sú, sem mörkuð hefur
verið um geymslu og birtingu hrossaræktargagna Búnaðarfélags íslands (sjá
fyrri starfsskýrslur mínar) komist á góðan rekspöl.
Útgáfu upprunavottorða útfluttra hrossa var á árinu háttað í samræmi við
samkomulag, sem Félag hrossabænda og stjórn Búnaðarfélags íslands
gerðu 27. nóvember 1990. Greint var frá samkomulaginu í skýrslum
búnaðarmálastjóra og minni til Búnaðarþings 1991. Fram skal tekið, að
afstaða mín til þessa máls er að öllu leyti óbreytt frá því, sem þar kemur
fram, þ.e. að Búnaðarfélagið eigi ekki að fela öðrum neinn þátt þeirrar
vinnu, sem það á að sjá um í skýrsluhaldi í hrossarækt. Við tilkomu
gagnavörslukerfisins Fengs getur útgáfa upprunavottorða loks komist í
viðunandi horf. Jón Baldur vinnur nú að viðbótarforriti við Feng til að
kerfið nýtist að fullu við að útbúa vottorðin. Starf Hallveigar Fróðadóttur,
sem vinnur hjá Félagi hrossabænda við að útbúa upprunavottorðin, verður
jafnframt aðlagað að starfi því, sem tölvudeild sér um við skráningu hrossa,
því að allar upplýsingar, sem á upprunavottorðin fara, eiga framvegis að
koma úr Feng-kerfinu.
Búnaðarfélag Islands hefur umsjá með frostmerkingum hrossa í samræmi
við reglugerð um búfjármörk o.fl. (reglugerð nr. 579 frá 1989). Á árinu sáu
Búnaðarsamband Suðurlands, Baldvin Kr. Baldvinsson á vegum búnaðar-
78