Búnaðarrit - 01.01.1992, Blaðsíða 132
réttum tíma. Það voru hrossaræktarsambönd Skagafjarðar, Eyjafjarðar og
Þingeyjarsýslu, Vestur-Húnavatnssýslu og Vesturlands. Gagnabanki Fengs
hafði að geyma í árslok upplýsingar um 19.812 hross: 13.846 hryssur og
5.966 hesta. Seinni hluta nóvember vann ég að því í samstarfi við Kristin
Hugason og Guðlaugu Hreinsdóttur að koma út hálfútfylltum fangskýrsl-
um og grunnskráningarupplýsingum til hrossaræktenda, sem tóku þátt í v
skýrsluhaldinu í áðurnefndum hrossaræktarsamböndum. Óhætt er að
fullyrða, að með þessu nýja, tölvuvædda skýrsluhaldi í hrossarækt og þeirri
miklu vinnu, sem unnin hefur verið hjá Búnaðarfélaginu hafi orðið þáttaskil
í gagnavörslu og skýrsluhaldi íslenskrar hrossaræktar.
Nautgriparœkt. Jón Viðar Jónmundsson, ráðunautur, hefur unnið að
gerð nýs tölvukerfis, sem skrifað er fyrir AS/400 umhverfið, fyrir skýrslu-
hald í nautgriparækt, sem leysir eldra kerfið af hólmi, sem er í S/36
umhverfi. Sér til aðstoðar hefur hann haft Rafn Guðmundsson, forritara,
en Rafn hefur unnið mikið fyrir Framleiðsluráð landbúnaðarins að umskrif-
un tölvukerfa þess úr S/36 í AS/400 umhverfi. Nánar greinir Jón Viðar frá
þessu kerfi í sinni ársskýrslu.
Jarðabætur. Á árinu var unnið að nýju tölvukerfi fyrir jarðabætur. Kerfið
leysir eldra kerfi í S/36 umhverfinu af hólmi. Rafn Guðmundsson, forritari,
skrifaði kerfið, undir umsjón Óttars Geirssonar, jarðræktarráðunauts.
Forðagœsla. Tölvukerfið fyrir forðagæsluna var eitt elsta kerfi í tölvu-
deildinni, sem var í gangi. Á árinu var ráðist í að skrifa nýtt kerfi í AS/400 >
umhverfinu. Forritari var Guðlaug Eyþórsdóttir. Með nýja kerfinu verður
auðvelt að miðla upplýsingum úr forðagæsluskýrslum síðustu ára og gera
ýmsan samanburð milli ára, t.a.m. gera samanburð á sauðfjáreign bænda á
árunum 1990 og 1991.
Hin íslenska jarðabók. Það hefur verið mikið rætt og ályktað um m.a. á
Búnaðarþingum, að nauðsynlegt sé að koma upp svokallaðri jarðabók fyrir
allt landið. Oftast hefur verið hér átt við gerð tölvutækra, jarða- og
gróðurkorta, og hefur RALA unnið gott starf á því sviði. Það er ekki síður
mikilvægt atriði við gerð slíkrar jarðabókar, að hún geymi sem mestar
upplýsingar um hvert lögbýli á einum stað og þær séu samræmdar. Ég hafði
frumkvæði að því ásamt Kristjáni Guðlaugssyni hjá Framleiðsluráði að
kanna vilja ýmissa aðila í landbúnaði, m.a. í landbúnaðarráðuneytinu, fyrir
því, að ráðist yrði í eina samræmda jarðabók, og yrði það samstarfsverkefni
þessara stofnana. Einnig áttum við fund með aðila frá Fasteignamati >
ríkisins. Alls staðar var viðleitni okkar tekið mjög vel. Jarðabókin skyldi
innihalda upplýsingar um bústofn í framleiðslu, fullvirðisrétt, hlunnindi,
húsakost, jarðabætur, forða o.fl. fyrir hvert lögbýli landsins, sameinaðar í
einn gagnabanka, sem mætti nálgast á einum stað. Yfirumsjón með
uppfærslu gagnabankans yrði falin einum aðila, þó svo upplýsingarnar í
bankann yrðu til á fleiri en einum stað. Allar upplýsingar eru fyrir hendi í
130