Búnaðarrit - 01.01.1992, Qupperneq 151

fundum Stéttarsambands bænda 1960-1984. Á Búnaðarþingi átti hann sæti
1967-1986. Af þessu er ljóst, að Sigurður naut mikils traust i sveit sinni og
héraði, jafnt sem í búnaðarsamtökum í landinu.
Hann sat lengi í stjórn Veiðifélags Víðidalsár. Hann var einn af stofnend-
um Hagsmunafélags hrossabænda, var þar í fyrstu stjórn og formaður
1978-1984. Málefni hrossabænda voru honum hugleikin, og hann fylgdist
vel með mótum og nýjungum og sótti m.a. sýningar í útlöndum. Hann
flutti tillögu á Búnaðarþingi árið 1983 um að stofna reiðskóla og byggja
Reiðhöll og vann síðan af sleitulausri þrautseigju að því, að það hús væri
reist. Sigurður var endurskoðandi Búnaðarfélags Islands og Bændahallar-
innar frá 1975, endurskoðandi Framleiðsluráðs landbúnaðarins frá 1978 til
1991. Hann var heiðursfélagi Búnaðarfélags íslands.
Sigurður hafði áhuga á fræðistörfum og gaf sig nokkuð að þeim. M.a. var
hann annar af ritstjórum héraðsritsins Húnaþing, sem kom út í þrem
bindum. Hann átti frumkvæði að því, að saga Snorra á Húsafelli, eins
forföður síns, var færð í letur.
Hann beitti sér fyrir stofnun Saumastofunnar Borgar í Víðidal og sá um
rekstur hennar framan af. Það fyrirtæki reyndist heilladrjúgt fyrir byggðar-
lagið.
Síðustu ár dvaldi Sigurður oft að vetrinum í Reykjavík við fræðistörf á
Landsbókasafni og kannaði gögn um sögu héraðs síns.
Kona hans var Elín Hólmfreðsdóttir frá Núpshlíð í Kirkjuhvamms-
hreppi.
Sigurður Líndal vann að félagsmálastörfum sínum með hógværð og festu,
sem skilaði góðum árangri.
Sigurður lézt þann 8. desember 1991.
Að minningarorðum þessum mæltum bað forseti viðstadda að rísa úr
sætum og votta hinum látnu þannig virðingu sína.
Síðan mælti forseti á þessa leið:
Góðir fulltrúar og gestir!
Það er erfitt að bera líðandi stund saman við fortíðina og einnig að gera
sér grein fyrir, hvaða mat verður lagt á hana síðar. Engu að síður virðist
mega fullyrða nú, að hraðari breytingar séu að verða á umhverfi okkar og
framtíðin óræðari en áður, þegar Búnaðarþing kemur að þessu sinni til
fundar.
Þessar aðstæður munu setja mark sitt á umræður og ályktanir þess, sem
hljóta af þeim sökum að verða umfangsmeiri og fjölþættari. Breytingarnar
blasa við, hvort sem skyggnzt er um hérlendis eða út fyrir landsteina. Og
íslenzkir bændur hafa reynt að taka mið af þessari stöðu.
Á sl. hausti héldu Alþjóðasamtök bænda alþjóðlega ráðstefnu um
umhverfismál hér í þessum sal til undirbúnings að umhverfisráðstefnunni í
149