Búnaðarrit - 01.01.1992, Qupperneq 189

Mál nr. 14
Erindi Búfræðslunefndar um starfsréttindi í landbúnaði.
Afgreitt með máli nr. 5.
Mál nr. 15
Erindi Eysteins G. Gíslasonar um kvikmyndasafn varðandi gömul vinnu-
brögð og verkmenningu í landbúnaði.
Málið afgreitt með eftirfarandi ályktun, sem samþykkt var með 23 sam-
hljóða atkvæðum:
Búnaðarþing beinir því til stjórnar Búnaðarfélags íslands, að tekin verði
saman skrá yfir, hvað er til af kvikmyndum og myndböndum, sem sýna
gömul og ný vinnubrögð í landbúnaði. Jafnframt verði athugaðir möguleik-
ar á gerð myndbanda um einstaka verkþætti og vinnubrögð, sem ætla má,
að nú séu sem óðast að glatast. Greinargerð um þessi atriði verði lögð fyrir
næsta Búnaðarþing.
GREINARGERÐ:
Allnokkuð mun vera til af kvikmyndum, þar sem landbúnaðarstörf eru
sýnd og fram koma handtök og aðferðir, sem áður voru viðhöfð.
Á Kvikmyndasafni íslands er talsvert til af myndum. Þá mun vera til
allmikið hjá Sjónvarpinu, einnig er talið, að til séu myndir eða myndhlutar
hjá ýmsum aðilum, m.a. félagasamtökum og kvikmyndagerðarmönnum.
Með því að safna saman í eina skrá upplýsingum yrðu til ómetanlegar
heimildir, um hvað væri til nú þegar, og jafnframt yrði auðvelt að átta sig á,
hvað vantar og hvað helzt þyrfti að láta taka upp á myndbönd.
Mál nr. 16
Erindi stjórnar Búnaðarfélags íslands um alþjóðasamninga.
Málið afgreitt með eftirfarandi ályktun, sem samþykkt var með 21 sam-
hljóða atkvæði:
í.
Búnaðarþing þakkar stjórn Búnaðarfélags íslands og Stéttarsambandi
bænda fyrir að bregðast fljótt við samningsdrögum Arthurs Dunkels í
GATT-viðræðunum og tekur í einu og öllu undir samþykkt bændasamtak-
anna frá 6. janúar s.l.
Þá þakkar Búnaðarþing greinargott álit Ketils A. Hannessonar og skrif
Gunnlaugs Júlíussonar um málið.
Búnaðarþing felur stjórn Búnaðarfélags fslands að fylgjast vel með
framvindu GATT-viðræðnanna og hlutast til um, að ríkisstjórn íslands fylgi
187