Morgunn - 01.12.1926, Page 114

224
MORGUNN
Bók prófessors Har. Nielssonar »Kirken og
’Kirkjan og <jen pSykiske Forskning«, sem kom út í
Sála£narS«Ókn' KauPmannahöfn 1922 og er fyrirlestrar þeir,
sem hann flutti í Danmörku haustið 1921,
hefir nú verið þýdd á þýzku og er gefin út af alþektu for-
lagi í Leipzig (Verlag von Oswald Nutze). Útgáfa bókar-
arinnar hefir þegar haft þann árangur, að höfundurinn hefir
verið beðinn að rita stöðugt i eitt bezta þýzka tímaritið,
sem um sálarrannsóknir og spíritisma fjallar. Það heitir
»Revalo-Bund«, er gefið út í Hamborg, og eingöngu ritað
af mentamönnum.
Þýðandinn sjálfur, Georg Henrich húsameistari, ritar
formála fyrir bókinni. En svo ritar og doktor í guðfræði
og prófessor við háskólann í Vínarborg, Richard Hoffmann,
annan formála. Úr honum eru tekinn eftirfarandi um-
mæli: »Þau þrjú erindi, sem hér eru útlögð, ásamt eftir-
mála, eru framar öllu öðru mikilvæg fyrir þá sök, að þau
eru einstæð og átakanleg játning. Naumast fer hjá því,
að sú játning verði jafnvel þeim umhugsunarefni, sem ekki
gera annað en brosa kæruleysislega að þeim skoðunum,
sem hér er haldið fram. Enginn getur neitað því, að höf-
undurinn sé, eftir þá miklu reynslu, sem hann hefir fengið
í þessuin efnum, einn af þeim núlifandi mönnum í heim-
inum, sem mesta hafa þekking á miðilsgáfunni. Mönnum
kann að þykja það miður farið, að hann skuli ekki hafa
gert fyllri grein fyrir sumum atburðum, sem hann drepur
á. Menn getur greint á við hann um skýringar hans á
einhverjum atriðum, eða skilning hans á einhverri grein
Nýja testamentisins — en ekki verður undan því komist
að sjá það, að hér er maður mjög vel af guði gefinn (reich-
begnadete Persönlichkeit), er hefir orðið fyrir þeirri reynslu
og öðlast þá sannfæring, sem er oss trygging fyrir því,
að þessi jarðneski heimur sé ekki nema lítill þáttur úr
hinum mikla veruleik guðs, og að vér fáum eftir dauðann
að kynnast meira en þessum litla hluta.
»Með því að enn vantar mikið á það, á Þýzkalandi,