Tímarit Máls og menningar - 01.05.1973, Qupperneq 68

Tímarit Máls og menningar
þessa dagana á okkar ágæta heimili. Tilvist hans og stefna er mér sögð helg-
ast af því einu, að hann skemmtir og gleður meðal þess fólks sem drottinn
hefur dæmt úr leik, hvort heldur það kunni að fyrirfinnast í fangelsi eða elli-
heimili, jafnvel inni á virðulegum sjúkrahúsum góðborgaranna.
Þessi ágæti klúbbur kom til okkar eitt kvöldið og söng fyrir okkur svo
fallega músík, að ég fékk sem snöggvast yfir höfuðið og hélt ég væri kominn
upp á eilífðarplan skógarþrastarins. Og nú eigum við að borga honum
skemmtunina með því að kaupa egglagaða súkkulaðidrullu, sem gerð er
handa börnum. - Nei, þessu trúi ég nú tæplega. - Eru hér ekki einhver brögð
í tafli?
Jóhannes á Borg sagði einhverju sinni við mig: - 011 þessi félög sem
hefja reisu sína á fallegum orðum, svo sem eins og mannrækt, mannúð, hugg-
un í harmi og hvað það nú allt heitir, - öll svíkja þau að meira eða minna
leyti orð sín þegar fram í sækir, en gerast peningabraskarar eins og ég - og
þú, hefðirðu gáfu til, sem ég veit nú reyndar þú hefur ekki. - Þess vegna er
ég svo sinnulítill gagnvart öllu þessu happdrætti smáskítslegra hópa allra
mögulegra samtaka. Ungmennafélagshreyfingin, sem ég einu sinni barðist
fyrir, - er hún ekki orðin að draugi? - Nei, það þýðir ekki að bjóða mér
happdrættismiða Jón minn.
Eftir Jóhannes látinn orti ég þrjár vísur, sem birtust í Morgunblaðinu
hræðilega afbakaðar. - Ég finn þær nú hvergi í rusli hjá mér.
66
Það er páskadagur og veðrið stilltur dumbungur. Það er eins og það hafi
ekki ennþá náð sér eftir sorg föstudagsins langa.
í gærdag gaf sjónvarpið okkur svipmynd af trúarbyltingu ungs fólks sem
kennd er við Jesús. — Þessi hreyfing mun vera uppsprottin í Ameríku og er
þjóðfélaginu alveg hættulaus, enda mun hún renna út í sandinn áður en
nokkur hefur tíma til að snúa sér við. En hún er ekki óskemmtilegur leikur,
ámóta og krossgáta eða tafl. - Og það er mikil músikk, sem á frævi sitt í
negrasöngvum. Og ég. - Jafnvel ég, þessi óttalegi hatari alls hávaða. Ég
hlustaði með velþóknun, en ekki leizt mér á að horfa uppí kjaftinn á piltin-
um sem átti að sýna okkur Frelsarann.
67
Já Kleppsperíódan mín sem hjúkrunaimanns, liún var ekki svo vitlaus. Raun-
ar var ég ekki lærður hjúkrunarmaður, en við vormn kallaðir hjúlaunarmenn
58