Skírnir - 01.01.1969, Síða 151
SKÍRNIR
ÞINGVALLAFUNDUR 1888
145
„Alþing ætti vissulega að vinna meira að því að rétta við atvinnu-
vegina en gert hefir verið að undanförnu“, segir blaðið og klykkir
út með þeim ummælum, að löggj afarvaldið skipti sér nálega ekkert
af atvinnuvegunum í landinu.
Á Seyðisfirði var haldið úti hlaði Austfirðinga, Austra (gamla),
og var ritstjóri hans Sigurður Jónsson. Austri er þögull um stjórn-
arskrármálið allt fram undir þing 1887. Þó skal getið aðsendrar
greinar með fyrirsögninni „Það er svo margt, ef að er gáð, sem um
er þörf að ræða“. Sú grein hefst í blaðinu 17. júní og henni lýkur 4.
júH. í síðasta kafla hennar er fjallað um stjórnarskrármálið, ein-
dregið hvatt til að halda því áfram á þingi þá um sumarið og fylgja
sömu aðalstefnu sem Alþingi 1885 að gera stjórnina sem mest inn-
lenda, en horfa alls ekki í kostnað við aukaþing, sem að sjálfsögðu
þyrfti að halda, ef endurskoðuð stjórnarskrá yrði samþykkt á ný og
Alþingi rofið. Þó að þessi grein sé aðsend, er hún í fullu samræmi
við stefnu blaðsins eins og hún kom síðar fram.
I höfuðstað Norðurlands, Akureyri, var haldið úti tveim blöðum,
Fróða og Norðurljósinu. Voru þau hinir römmustu andstæðingar í
stj órnarskrármálinu og deilur þeirra mestar, sem þá munu hafa verið
milli blaða hér á landi.
Fróði kom út á árabilinu 1880-87. Var ritstjóri hans lengst af
Björn Jónsson, sem síðar fékkst lengi við blaðamennsku, mest á Ak-
ureyri. Þorsteinn Arnljótsson tók við ritstjórn Fróða 26. marz 1886,
en Björn tók við blaðinu aftur 10. nóvember sama ár og stýrði
því þangað til Fróði hætti að koma út, en síðasta tölublað hans er
dagsett 10. september 1887.
Fróði var málgagn hinna eyfirzku íhaldsmanna, síra Arnljóts
Olafssonar, konungkjörins þingmanns, og Jóns A. Hjaltalíns, skóla-
stjóra á Möðruvöllum, sem skipaður var konungkjörinn þingmaður
15. apríl 1887. Fróði var eina íslenzka blaðið, sem fagnaði staðfest-
ingarsynjun konungs á stjórnarskipunarlögum Alþingis. Um það
mál segir blaðið 14. janúar 1887 í grein með fyrirsögninni „Neitun
stjórnarskrárfrumvarpsins“: „Það var svo langt frá, að oss þætti
frumvarp þetta bæta úr göllum þeirrar stjórnarskrár, sem nú er, að
oss þótti og þykir það enn miklum mun verra; er það því gleðiefni
fyrir oss, að það komst ekki lengra.“ Telur blaðið, að formælendur
frumvarpsins hafi gert landinu mikið ógagn „með þessari frum-
10