Tímarit Máls og menningar - 01.11.2014, Blaðsíða 133

Á d r e pa
TMM 2014 · 4 133
miklum mun. Í síðasta prófkjöri Sam­
fylkingar í Reykjavík fyrir þingkosning­
ar tóku þátt um 2500 manns. Össur
sigraði og hlaut tæplega 1000 atkvæði í
1. sæti.
Í bókinni Ár drekans eru magnaðar
lýsingar á prófkjörum Samfylkingarinn­
ar haustið 2012. Ekki bara í Reykjavík
þar sem haldið var sameiginlegt próf­
kjör Samfylkingarinnar fyrir bæði
Reykjavíkurkjördæmin heldur einnig í
Suðvesturkjördæmi, Kraganum. Í
báðum kjördæmum kepptu karl og kona
um efsta sætið. Í Reykjavík Össur og
Sigríður Ingibjörg Ingadóttir; í Kragan­
um vann Árni Páll Árnason Katrínu
Júlíusdóttir í baráttu um efsta sætið sem
í reynd var einnig keppni um hvort
þeirra færi í framboð til formanns Sam­
fylkingarinnar. Árni Páll sigraði síðan í
formannskjörinu.
Össur veitir mikla innsýn í baráttu­
aðferðir Árna Páls í framboðum hans til
formanns og í prófkjörinu. Í formanns­
kjörinu ákveður Árni Páll að stilla sjálf­
um sér upp sem andhverfu við fráfar­
andi formann Samfylkingarinnar,
Jóhönnu Sigurðardóttur. Össur skrifar:
„Strategía Árna Páls í undirbúningi
formannskosninganna hefur beinlínis
falist í að skerpa muninn á þeim (Árna
Páli og Jóhönnu) sem stjórnmálamönn­
um og karakterum. Fólk Árna Páls still­
ir honum upp sem talsmanni sátta og
málamiðlunar en dregur upp mynd af
Jóhönnu sem einstrengislegum foringja
sem fælist fjölmiðla og hafnar ekki
ófriði ef hann er í boði. Þetta er sama
myndin og stjórnarandstaðan veifar án
afláts.“ (bls. 325)
Össur er líka alveg klár á því fyrir­
fram að Katrín á ekki séns í baráttunni
við Árna Pál. Hún hefur að vísu „mikla
vild hins almenna flokksmanns – bæði
utan og innan Kragans“ (bls. 328). Katr­
ín hefur hins nýlega tekið við embætti
fjármálaráðherra. Gefur Össuri aftur
orðið:
„Hún (Katrín) er eðlilega mjög upp­
tekin í nýju ráðuneyti og kappkostar að
koma sér til botns í flókið gangvirki
stórs og mikilvægs ráðuneytis. Hana
hefur því skort tíma til að undirbúa
prófkjörið til hlítar. Fyrir vikið virðist
hana vantar bæði betra skipulag og
meira fólk til að vinna fyrir sig.“ (bls.
328)
Árna Pál skortir hins vegar hvorki
fólk eða skipulag til að vinna. Hann –
skrifar Össur – „er með gríðalega gott
skipulag sem fleytir honum langt til sig­
urs. Í síðasta prófkjöri safnaði hann 800
nýjum stuðningsmönnum og ekki verða
þeir færri nú. Hann er á svo mikill
hreyfingu að ég fæ varla frið fyrir
stuðningsmönnum hans í Reykjavík.“
(bls. 328)
Össur segir reyndar að hann hafi
ekki verið alltaf sáttur við pólitík Árna
Páls en „Allir fá að heyra þá skoðun
mína að hann (Árni Páll) eigi að vera í
fremstu röð. Hann er vígfimur stjórn­
málamaður og prófkjörið í Kraganum
2009 sýndi að hann er villidýr í kosn­
ingum.“ (bls. 326)
Í Reykjavík fer baráttuglaður og
þrautreyndur einkaprófkjörsher Össurar
á fullt og nú er aldeilis gaman að vera
til:
„„Helvítis gangur er á okkur“ segir
Stefán Gunnarsson, smiður og helsti
herforingi utanríkisráðherra, þegar ég
hringi í hann árla dags og segi að sam­
kvæmt mínum bókum hafi alls 429 liðs­
menn gengið á okkar vegum í Samfylk­
inguna. Allir í landsmálafélagið Rósina.“
(bls. 328)
Harkan í prófkjörinu í Reykjavík er
gífurleg og sjálfur segist Össur aldrei
hafa fundið jafn mikla heift í þeim sjö
prófkjörum sem hann hafi tekið þátt í.
(bls. 333)