Tímarit Máls og menningar - 01.09.2018, Qupperneq 14

S i g u r l í n B j a r n e y
14 TMM 2018 · 3
stað plágum. Hann vildi meina að bakteríur hefðu svipmót orma en um þetta
fjallaði hann í riti sínu Scrutinium Pestis (1658). Sagt er að Kircher sé einn af
þeim sem lögðu grunninn að örverufræðum Antoni van Leeuwenhoek sem
hefur jafnvel verið kallaður faðir örverufræðanna. Kircher hannaði hljóðfæri
og fjallaði um heilnæm áhrif tónlistar og hugleiddi þann möguleika að senda
tónlist til afskekktra staða. Hér neyðist ég til að stíga á bremsuna, það hafa
verið skrifaðar margar bækur um Kircher og hægt að skrifa margar í viðbót.
Ég heimsótti Hagströmer bókasafnið bara í þetta eina skipti en vonandi
fer ég þangað aftur. Myndirnar á heimasíðu safnsins sem kallast Wunder-
kammer1 heilluðu mig svo gjörsamlega að ég varð að nota þær sem kveikjur
fyrir ljóð. Þannig ákvað ég að taka myndirnar úr sínu upprunalega samhengi
náttúruvísinda og læknisfræði og flytja þær yfir í samhengi ljóðsins og safna
í ljóðahandrit. Þar eiga mynd og texti helst að mynda spennu, texti á ekki að
útskýra mynd og textinn á að geta staðið sjálfstæður án myndar. Vonandi
verður þá hægt að opna fyrir nýja og óvænta skynjun, taka samtímis inn
mynd, texta og hljóð. Svona geta myndir á heimasíðu bókasafns í Stokkhólmi
orðið neisti að ljóðum í Reykjavík.
Hvert bókasafn er heimur út af fyrir sig, heimur fullur af heimum og ólíkum
myndum af þessum heimum. Enginn hefur yfirsýn yfir allar bækurnar og
allt sem í þeim stendur. Við sjáum samt óþrjótandi leit að þessari yfirsýn í
gegnum aldirnar, hvernig við þráum og reynum að fanga heiminn, koma
böndum á óreiðuna með því að raða og flokka og skrásetja. Óreiðan heldur
alltaf áfram að vaða uppi og við höldum áfram að skilgreina hana og flokka.
Bókasafnið er rýmið þar sem fram fer ofsafengin leit að sannleikanum.
Tilvísun
1 https://hagstromerlibrary.ki.se/wunderkammer
TMM_3_2018.indd 14 23.8.2018 14:19