Ritið : tímarit Hugvísindastofnunar - 01.12.2010, Blaðsíða 341

TVÍHEIMAR
konurnar vinna sér inn eigin tekjur, þótt launin séu oft ekki mannsæm-
andi, getur komið fram nýr vettvangur íyrir tiltölulegt sjálfstæði og sjálfs-
stjórn. Líf kvenna í tvíheimaaðstæðum getur verið sársaukafullt á tvöfald-
an hátt - stríð við efnislegt og andlegt óöryggi útlegðarinnar, ásamt því að
sinna skyldum fjölskyldulífsins og vinnu og uppfylla kröfur eldri og nýrri
feðravelda. En þrátt fyrir þessa erfiðleika hafna þær ef til vill möguleik-
anum á endurkomu ef hún býðst, einkum þegar skilmálarnir eru settir af
karlmönnum.
A sama tíma eru konur tvíheimanna áfram tengdar „heima“-menningu
sinni og hefð og þiggja vald frá henni - eftir eigin höfði. Grundvallargiidi
varðandi siðgæði og trú, tal og félagsmynstur sem og reglur varðandi mat,
líkama og klæðnað, eru varðveitt og aðlöguð með hjálp óslitinna sam-
bandsneta fyrir utan aðflutningslandið. En á sama hátt og Maxine Hong
Kingston, sem endurheimtir goðsögnina um bardagagyðjuna úr öllum
þeim sögum sem bárust henni frá Kína,36 viðhalda konurnar tvíheima-
böndunum og tengja á ný á gagnrýninn hátt, nýta þau sem aðferðir við að
halda velli í nýju samhengi. Og á sama hátt og Barbados-konurnar, sem
Paule Marshall dregur upp mynd af í bók sinni Brown Girl, Brownstones, -
sem strita við að búa sér heimili í New York um leið og þær tileinka sér
visst „fálæti“ gagnvart „þessu landi karlmannsins“37 - eru konur tvíheim-
anna fangaðar milli feðravelda, óvissrar fortíðar og framtíðar. Þær tengja
og aftengja, gleyma og minnast, eftir flóknum, úthugsuðum hætti.38 Sú
reynsla sem þær upplifa felur því í sér sársaukafulla erfiðleika við að miðla
milli ósamhljóða heima. „Samfélagið" getur verið vettvangur stuðnings
og kúgunar. Tvær tilvimanir í Rahila Gupta gefa innsýn í aðstæður suður-
asískrar konu („svartan Breta“):
36 Maxine Hong Kingston, Tbe Woman Warrior: Memoirs of a Girlhood am-ong Gbosts,
New York: Knopf, 1976.
' Paule Marshall, Brorwn Girl, Brownstmes, New York: Feminist Press, 1981.
38 Að sjálfsögðu velja karlmenn einnig úr og viðhafa úthugsaðar aðferðir, innan
sinna takmarkana og forréttinda. Munurinn milli kynjaðra tvíheimaaðstæðna hef-
ur úrslitaþýðingu í því samanburðarsjónarmiði sem er að koma upp á yfirborðið.
Rannsókn Ganguly á minningum karla og kvenna í suður-asískum tvíheimum í
Bandaríkjunum er til fyrirmyndar í þessum efnum (Keya Ganguly, „Migrant
Identities: Personal Memory and the construction of Selfhood“, Cultural Studies
6,1/1992, bls. 27-50). Rannsókn Bottomley á fólksflutningum frá Grikklandi sem
menningarlegu ferli er framúrskarandi umfjöllun um tjáningu kynja og stétta
(Gillian Bottomley, From Another Place: Migration and the Politics ofCulture, Cam-
bridge: Cambridge University Press, 1992).
339