Úrval - 01.06.1971, Page 101
HVAÐ GERÐIST í KENT STATE?
99
svo kastaði einhver bjórflösku í
bifreið, sem var ekið fram hjá, og
braut bakrúðuna. Á örskömmum
tíma hafði akbrautin fyllzt af ungu
fólki. Og þegar það sá stóra vöru-
bifreið koma eftir Vatnsstræti,
krækti það saman handleggjunum
og myndaði varnarvegg gegn henni,
svo að bílstjórinn varð að stanza.
Rusltunnur voru tæmdar úti á
miðri götu og kveikt í ruslinu.
Kveikt var í litlum verkfæraskúr
í þvergötu út frá Vatnsstræti, og
varð úr þessu talsvert bál. Gerði
það sitt til þess að auka á ringul-
reiðina, sem hafði nú skapazt.
Á þessu óheppilega augnabliki
kom roskinn maður akandi í göml-
um fólksbíl eftir Vatnsstræti ásamt
konu sinni. Stúdentarnir stöðvuðu
bílinn og Sögðu, að bezt væri fyrir
þau að halda ekki lengra, heldur
snúa við. Maðurinn neitaði að gera
það og ók bílnum löturhægt áfram,
svo að hann ýtti þannig lítillega
við einum stúdentinum.
,,Hvern andskotann ertu að gera,
mannfjandi"? hrópaði stúdent
nokkur.
Svo byrjuðu stúdentarnir að
vagga bílnum fram og aftur. Þeir
brutu rúðurnar í honum, en gamli
maðurinn hélt samt hægt áfram í
gegnum mannfjöldann. Yfir bílinn
rigndi bjórflöskum, sem skoppuðu
af þakinu.
Bob De Fluiter hafði verið svo
forsjáll að skrifa hjá sér það, sem
gerðist þessa nótt. Klukkan 11.27
hringdi hann til lögreglustöðvar-
innar og skýrði frá því, að hópur-
inn á götunni væri orðinn helzt til
uppvöðslusamur. Hann hafði þegar
beðið um, að allir þeir lögreglu-
þjónar, sem hægt væri með nokkru
móti að vera án annars staðar, yrðu
sendir til Nyrðra-Vatnsstrætis. En
engir þeirra voru samt enn komn-
ir á vettvang. Klukkan 11.41 gaf
varðstjórinn á lögreglustöðinni loks
„merki 25“, sem var skipun um, að
allir lögregluþjónar, sem væru ekki
á vakt, skyldu koma til lögreglu-
stöðvarinnar án tafar. De Fluiter sá
lögreglubíl beygja langt í burtu og
að ljós hans „blikkuðu“ síðan
nokkrum sinnum, en það var merki
um, að hann ætti að fara upp í bíl-
inn og fara á vakt tafarlaust. Öku-
maðurinn sagði við hann: „Við vor-
um að hringja í bæjarstjórann.
Hann er á leiðinni“.
Bæjarstjórinn í Kent heitir Le-
Roy Satrom. Það er hár og grann-
vaxinn maður með lága, viðfelldna
rödd. Hann er af norskum ættum.
Fyrr um kvöldið hafði hann ekið
norður til bæjarins Aurora, þar sem
helztu stjórnmálaleiðtogar Portage-
hrepps ætluðu að koma saman til
þess að halda upp á Löggjafardag
Ohiofylkis. Satrom, sem er demó-
krati, hafði verið kosinn bæjar-
stjóri í nóvember árið áður og hafði
því gegnt bæjarstjórastarfi í aðeins
fjóra mánuði. En honum varð oft
hugsað til óeirða þessa dagana.
Thomas sonur hans, sem var á 3ja
ári í læknadeild Ohiofylkisháskól-
ans í Columbus, hafði komið heim
daginn áður vegna götubardaga í
Columbus. Thomas hafði horft á
stúdenta berjast þar við lögregluna
og hafði lent í táragasárás í einu
klúbbhúsi skólans. „Það var alveg