Tímarit um menntarannsóknir - 01.01.2014, Síða 54

Brynjar Ólafsson, Gísli Þorsteinsson og Ossi Autio
ef til vill efla tæknilega hugsun stúlkna og
áhuga þeirra á tækni (Autio og Hansen,
2002; Staberg. 1992).
Nemendur í 5. bekk í báðum löndum
hafa jafnframt jákvæðari viðhorf til náms-
greinarinnar hönnunar og smíði en nem-
endur í 7. bekk. Hugsanlegt er að yngri
nemendur sem eru að byrja að læra um
tækni og fást við tæknileg verkefni hafi
litla reynslu af náminu og finnist tæknin
því áhugaverðari. Þar af leiðandi gætu
viðbrögð þeirra verið jákvæðari (Autio og
Hansen, 2002).
Munur var einnig á svörum 13 ára
stúlkna og drengja í Finnlandi og á íslandi.
Þessi niðurstaða er sérstaklega áhugaverð
þar sem sérstök áhersla hefur verið lögð
á jafnrétti kynjanna í finnsku námskránni
síðan 1970. Þrátt fyrir það hafa flestir
drengir í Finnlandi ennþá meiri áhuga á
að velja hönnun og smíði en stúlkur vilja
frekar textflmennt (Autio, 1997). Ekki
hefur enn fundist góð leið til að stýra vali
nemenda og gæti íslenska leiðin, þar sem
báðum kynjum er gert að nema bæði smíði
og textflmennt, því verið áhugaverð fyrir
Finnland.
Ekki var munur á svörum kynjanna
þegar nemendur voru spurðir hvort þeir
teldu að bæði drengir og stúlkur gætu
skilið tæknileg fyrirbæri. Þó að drengir
hafi afgerandi meiri áhuga á tækni þá telja
bæði kynin að þau geti jafnt skilið tækni-
leg fyrirbæri. Hugsanlegt er að umræða
um jafnréttismál og jafnrétti til náms hafi
þarna áhrif og síðan er tæknin áhrifamikill
þáttur í okkar daglega lífi sem við viljum
ekki vera án og hefur jafnframt áhrif á
hugsanir okkar, lífsvenjur og viðhorf.
íslenskir nemendur telja frekar en
hinir finnsku að mikilvægt sé fyrir fram-
tíðina að skilja tækni og tæknileg fyrir-
bæri. Einnig lesa þeir meira af tímaritum,
fréttum og greinum um tækni og finnst það
áhugaverðara en finnsku nemendunum.
Hugsanlegt er að meiri notkun íslenskra
nemenda á heimatölvum og samfélags-
miðlum hafi þarna áhrif og að íslendingar
lesi meira af fréttavefjum eða blöðum á
vefnum en Finnar (Hagstofa íslands, 2013).
Mikil umræða er á fslandi, sérstaklega í
kjölfar kreppunnar, um nýtingu tækifæra
sem tengjast nýrri tækni til sköpunar nýrra
atvinnutækifæra og það gæti einnig hafa
haft áhrif.
íslenskir nemendur eyða meira af frí-
tíma sínum í tækni og tæknileg viðfangs-
efni en finnskir nemendur. Hugsanlegt er
að tækifæri nemenda á íslandi til að stunda
tæknileg viðfangsefni í frítíma sínum séu
meiri en í Finnlandi samanber svipaða
niðurstöðu (Autio og Soobik, 2013). Einnig
gæti fjárhagur íslenskra nemenda verið
rýmri en þeirra finnsku og nýjungagirni
meiri. íslendingar eru einnig fljótir að til-
einka sér tækninýjungar. Hugsanlega teng-
ist þetta líka meiri notkun á heimatölvum
og samfélagsmiðlum á íslandi en í Finn-
landi (Hagstofa íslands, 2013), en afþrey-
ing sem tengist tölvu- og upplýsingatækni
er trúlega aðalviðfangsefni íslenskra nem-
enda í frítíma þeirra.
Lokaorð
Ekki hefur sambærileg spurningakönnun
áður verið lögð fyrir hér á landi. 233 nem-
endur svöruðu spumingalistanum, þar
sem fjöldi nemenda í minnstu hópunum
var rétt undir 30 nemendum. Þessi tak-
52