Tímarit um menntarannsóknir - 01.01.2014, Side 122

Kolbrún Þ. Pálsdóttir, Brynja Elísabeth Halldórsdóttir og Ester Helga Líneyjardóttir
greint hvað varðaði markmið og skipulag
kennslu og frístundastarfs. Kennarar báru
ábyrgð á og sinntu formlegri kennslu á
skólatíma, og höfðu enga aðkomu að frí-
stundastarfinu eftir kl. 14.30. Þessar niður-
stöður eru mjög sambærilegar norrænum
rannsóknum á samstarfi kennara og frí-
stundaráðgjafa (Stanek, 2012). Hér vakna
spurningar um hvort ekki megi nýta enn
betur hið óformlega nám í frístundastarf-
inu til að efla þekkingu og hæfni barna, til
að mynda mál og læsi, með valkvæðum
verkefnum sem byggjast á áhuga og sjálf-
ræði bama. Sú spurning kallar á frekari
rannsóknir á samþættu skóla- og frístund-
astarfi með hliðsjón af árangri barna.
Lærdómur og lokaorð
í ljósi niðurstaðna þessarar rannsóknar
voru gerðar ýmsar breytingar á starfshátt-
um skólaárið 2013-2014. Til að mynda voru
gerðar breytingar á skilum skóladagsins og
frístundarinnar með það að markmiði að
minnka hávaða og troðning. Þannig fara
nú börnin niður í Vinafell á ólíkum tímum
og það hefur meiri ró í för með sér. Ákveð-
ið var að útbúa sérstakt slökunarherbergi í
Vinafelli til þess að koma til móts við óskir
barnanna um rólegheit í lok dags. Enn-
fremur leiddi rannsóknin í ljós að nauð-
synlegt væri að styrkja starfsumhverfi,
undirbúning og samstarf starfsfólks, ekki
síst frístundaleiðbeinenda. Sameiginlegur
undirbúningstími starfsfólks hefur verið
aukinn og leitast er við að koma til móts
við óskir þess um fræðslu sem nýtist því
í samþættu skóla- og frístundastarfi, en
sérþekking og reynsla af skipulagi frí-
stundastarfs hefur verið fremur takmörk-
uð innan skólans. Starfsfólk fær sérstaka
handbók um verkefnið sem útbúin hefur
verið í skólanum og á kost á að nýta sér
sameiginlega miðlæga fræðslu sem er í
boði fyrir starfsfólk frístundaheimila í
hverfinu. Upplýsingaflæði til foreldra var
aukið og sérstök kynning haldin fyrir for-
eldra þar sem þróunarverkefnið var kynnt
fyrir þeim. Að auki var áframhaldandi
samstarf við ráðgjafa um fjölmenningar-
legt foreldrasamstarf. Áframhaldandi
áhersla skólans á mál og læsi skilaði sér í
mjög góðum árangri í LÆSI, bæði í 1. og 2.
bekk vorið 2014. Fyrstu niðurstöður prófs-
ins gefa verkefninu byr undir báða vængi
og eru viðurkenning á því starfi sem unnið
hefur verið síðustu tvö skólaárin.
Það er mat höfunda að þróunarverkefn-
ið sem hér hefur verið sagt frá efli mögu-
leika barna á að mynda sterkari félagsleg
tengsl og vinabönd sem geta orðið til
þess að börn af erlendu bergi lendi sfður í
jaðarstöðu innan skólans og í samfélaginu.
Virðingu fyrir margbreytileika þarf að
flétta inn í bæði formlegt og óformlegt nám
barnanna. Þannig læra börnin að virða,
skilja og vinna með öðrum gegn fordóm-
um. Rannsóknin sýndi að í Fellaskóla hafa
verið tekin jákvæð og uppbyggjandi skref í
þá átt að brjóta niður múra á milli formlegs
skólastarfs og þess óformlega náms sem á
sér stað í frístundastarfi. Starfsfólk, kenn-
arar og frístundaleiðbeinendur búa nú
yfir mikilvægri þekkingu og reynslu sem
nýtist til að þróa áfram leiðir í námi og frí-
stundastarfi yngstu bama grunnskólans.
120